India news : એશિયન ગેમ્સ 2023 23 સપ્ટેમ્બરથી 8 ઓક્ટોબર દરમિયાન ચીનના હાંગઝોઉમાં યોજાવાની છે. 19મી એશિયન ગેમ્સનો ઉદ્ઘાટન સમારોહ 23 સપ્ટેમ્બરના રોજ હાંગઝોઉ ઓલિમ્પિક સ્પોર્ટ્સ સેન્ટર સ્ટેડિયમમાં યોજાશે. ભારતીય પુરૂષ હોકી ટીમના કેપ્ટન હરમનપ્રીત સિંહ અને સ્ટાર મહિલા બોક્સર લોવલિના બોર્ગોહેન આ ભવ્ય ઉદ્ઘાટન સમારોહમાં ભારતના ધ્વજવાહક હશે.
મોટાભાગના ખેલાડીઓ ભારત તરફથી ભાગ લઈ રહ્યા છે
આ વખતે એશિયન ગેમ્સમાં ભારતના 655 ખેલાડીઓ ભાગ લેવાના છે. એશિયન ગેમ્સના ઈતિહાસમાં આ વખતે ભારતમાંથી સૌથી વધુ ખેલાડીઓ ભાગ લઈ રહ્યા છે. 19મી એશિયન ગેમ્સનો ઉદઘાટન સમારોહ 23મી સપ્ટેમ્બરે હાંગઝોઉ ઓલિમ્પિક સ્પોર્ટ્સ સેન્ટર સ્ટેડિયમમાં સાંજે 5:30 કલાકે શાનદાર સમારોહ સાથે શરૂ થશે.
સ્ટેડિયમમાં દર્શકોની બેઠક ક્ષમતા કેટલી છે?
સ્ટેડિયમને બિગ લોટસ તરીકે પણ ઓળખવામાં આવે છે અને તેનું નિર્માણ 2018માં કરવામાં આવ્યું હતું. આ સ્ટેડિયમમાં 80000 દર્શકોની બેઠક ક્ષમતા છે. ઉદઘાટન સમારોહમાં ડિજિટલ મશાલ પ્રગટાવવાનો કાર્યક્રમ પણ યોજાશે. તે જ સમયે, આર્ટિફિશિયલ ઈન્ટેલિજન્સની મદદથી ચીનની પ્રગતિ અને દેશના ઐતિહાસિક અને સાંસ્કૃતિક મહત્વ પર ભાર મુકવામાં આવે તેવી અપેક્ષા છે.
ઉદઘાટન સમારોહમાં કોણ હાજરી આપશે?
ઉદ્ઘાટન સમારોહમાં ચીનના રાષ્ટ્રપતિ જિનપિંગ અને કોરિયા પ્રજાસત્તાકના વડા પ્રધાન હાન ડક-સૂ, સીરિયાના રાષ્ટ્રપતિ બશર અલ-અસદ હાજર રહેશે. ભારતના અનુરાગ ઠાકુર તેમાં હાજરી આપવાના હતા. પરંતુ ચીને એશિયન ગેમ્સમાં ભાગ લેવા માટે ભારતના ત્રણ વુશુ માર્શલ આર્ટ એથ્લેટને વિઝા આપ્યા નથી. આ કારણોસર અનુરાગ ઠાકુરે ઓપનિંગ સેરેમનીમાં ન આવવાનો નિર્ણય કર્યો હતો.
તે ક્યાં પ્રસારિત થશે?
એશિયન ગેમ્સ 2023 ની ઉદઘાટન સમારંભ SonyLiv એપ્લિકેશન અને વેબસાઇટ પર લાઇવ સ્ટ્રીમ કરવામાં આવશે. ચાહકો ભારતમાં ઇવેન્ટનું જીવંત પ્રસારણ Sony Sports Ten 2 SD & HD, Sony Sports Ten 3 SD & HD (હિન્દી) ટીવી ચેનલો પર પણ જોઈ શકે છે. એશિયન ગેમ્સ 2023નો ઉદઘાટન સમારોહ કયા સમયે શરૂ થશે? એશિયન ગેમ્સ 2023ની ઓપનિંગ સેરેમની ભારતીય સમય અનુસાર સાંજે 5:30 વાગ્યે શરૂ થશે.
આગળ વાંચોઃ ઓસ્ટ્રેલિયા સામે મોહાલીની જીત બાદ કેએલ રાહુલે આપ્યું નિવેદન, આ ખેલાડીઓને જીતના હીરો કહ્યા
આ પણ વાંચોઃ Artificial Colors in Vegetables : શું તમે લીલા શાકભાજીને બદલે ઝેર ખરીદો છો? : INDIA NEWS GUJARAT
આ પણ વાંચોઃ Britain Woman Killed Parrot : કોઈ માણસ નશઆની હાલતમાં આટલી હદ સુધી જઈ શકે? : INDIA NEWS GUJARAT
SHARE
