Yarn Expo પ્રદર્શનનો આવતી કાલથી ભવ્ય પ્રારંભ થશે -India News Gujarat
Yarn Expoનો આવતી કાલથી સુરતના સરસાણા ટ્રેડ એન્ડ કન્વેન્શન સેન્ટર ખાતે પ્રારંભ થશે. સધર્ન ગુજરાત ચેમ્બર ઓફ કોમર્સ એન્ડ ઈન્ડસ્ટ્રી તથા સધર્ન ગુજરાત ચેમ્બર ટ્રેડ એન્ડ ઇન્ડસ્ટ્રીઝ ડેવલપમેન્ટ સેન્ટરના ઉપક્રમે યોજાતી પ્રદર્શનોની શ્રેણી અંતર્ગત વર્ષ 2022-23ના બીજા પ્રદર્શન તરીકે Yarn Expo-2022 નું આયોજન આગામી તા. 20-21 અને 22 ઓગષ્ટ, 2022 દરમિયાન કરવામાં આવ્યું છે. ચેમ્બરના પ્રમુખ હિમાંશુ બોડાવાલાએ જણાવ્યું હતું કે, સુરતના ટેકસટાઇલ ઉદ્યોગનો વિકાસ ઝડપભેર થઈ શકે અને ઉદ્યોગકારોને યાર્ન પ્રોડકશન વિષેની અદ્યતન ટેકનોલોજીની જાણકારી મળી શકે એ આશયથી ચેમ્બર ઓફ કોમર્સ દ્વારા Yarn Expo પ્રદર્શનનું આયોજન કરવામાં આવ્યુ છે. ચેમ્બર દ્વારા આ વર્ષે Yarn Expo નું ચોથું એડીશન રજૂ કરવામાં આવી રહયું છે. Yarn Expo દેશભરના યાર્ન ઉત્પાદકો એક મંચ પર આવશે તથા યાર્નની બધી જ વેરાયટીઓ જેવી કે પોલિએસ્ટર, નાયલોન, વિસ્કોસ, કોટન અને કેટોનિક વિગેરેની સાથે સ્પેશિયલ વેરાયટી યાર્ન જેવા કે એન્ટીબેકટેરિયલ યાર્ન, ઇમીટેટ સિલ્ક યાર્ન, ગ્રેનાઇટ યાર્ન અને રિસાયકલ યાર્ન વિગેરેનું પ્રદર્શન કરાશે.-India News Gujarat
Yarn Expoમાં રાસલ જરી અને સ્પાર્કલ નીમ જરી આકર્ષણનું કેન્દ્ર બનશે-India News Gujarat
Yarn Expoમાં ખાસ કરીને ત્રણ મહિના પહેલાં જ સુરતમાં શોધાયેલી રાસલ જરી અને સ્પાર્કલ નીમ જરી પ્રદર્શનમાં આકર્ષણનું કેન્દ્ર બની રહેશે. સુરત ઉપરાંત દક્ષિણ ભારતના શહેરો તમિળનાડુ, તેલંગાણા અને આંધ્રપ્રદેશના વિવર્સ સાડી બનાવવામાં તેનો ઉપયોગ કરે છે. આ ઉપરાંત હોમ ફર્નીશિંગ ટેકસટાઇલમાં કર્ટેન અને રગ્સ વિગેરેમાં આ જરીનો ઉપયોગ થાય છે.Yarn Expoમાં પ્રદર્શિત થનારા નવા યાર્ન, ટેકસટાઇલ ઇન્ડસ્ટ્રીને તથા સુરતમાં ડેવલપ થઇ રહેલી ગારમેન્ટ ઇન્ડસ્ટ્રીને નવા ફેબ્રિકસ મારફત નવી ઊંચાઇએ લઇ જશે.
Yarn Expoમાં વિશ્વના ક્યા દેશોના બાયર્સ આવશેઃ-India News Gujarat
Yarn Expoમાં વિશ્વના જુદા–જુદા દેશો જેવા કે અલ્જેરીયા, બાંગ્લાદેશ, ઇજિપ્ત, નેપાલ અને સુદાનથી જેન્યુન બાયર્સYarn Expoમાં પ્રદર્શનની મુલાકાતે આવશે. તદુપરાંત દેશમાંથી ઇરોડ, ઇચ્છલકરંજી, તિરુપુર, તમિળનાડુ, કોઇમ્બતુર, હરીયાણા, હૈદરાબાદ, પાનીપત, વારાણસી, વારંગલ, લુધિયાના, ઇન્દોર, અમરાવતિ, બેંગ્લોર વિગેરે ૮૧ જેટલા શહેરોમાંથી જેન્યુન બાયર્સ અને વિઝીટર્સ દ્વારા Yarn Expoમાં પ્રદર્શનની મુલાકાત લેવામાં આવશે. ગત વર્ષે યોજાયેલા Yarn Expoમાં માં એકઝીબીટર્સને રૂપિયા પ૦૦ કરોડનો બિઝનેસ જનરેટ થયો હતો ત્યારે આ વર્ષે પણ આશરે રૂપિયા પ૦૦ કરોડથી વધુનો બિઝનેસ જનરેટ થાય તેવી આશા છે. શનિવાર, તા. ર૦ ઓગષ્ટ, ર૦રર ના રોજ સવારે ૧૦ઃ૦૦ કલાકે સુરત ઈન્ટરનેશનલ એકઝીબીશન એન્ડ કન્વેન્શન સેન્ટર, સરસાણા, સુરત ખાતે Yarn Expoનું ઉદ્ઘાટન કરાશે. જેનો ઉદ્ઘાટન સમારોહ પ્લેટીનમ હોલમાં યોજાશે. જેમાં મુખ્ય અતિથિ તથા ઉદ્ઘાટક તરીકે ઉપસ્થિત રહેનાર દેશના કેન્દ્રીય ટેકસટાઇલ્સ એન્ડ રેલ્વે રાજ્ય મંત્રી દર્શનાબેન જરદોશના હસ્તે Yarn Expo નું ઉદ્ઘાટન કરવામાં આવશે. Yarn Expoના ઉદ્ઘાટન સમારોહમાં મુંબઇ સ્થિત રિલાયન્સ ઇન્ડસ્ટ્રીઝ લિમિટેડના પોલિએસ્ટર ચેઇનના પ્રેસિડેન્ટ આર.ડી. ઉદેશી અને વાઇસ પ્રેસિડેન્ટ જે. રઘુનાથ તથા સુરત શહેરના મેયર હેમાલીબેન બોઘાવાલા, સુરત મ્યુનિસિપલ કમિશનર બંછાનિધિ પાની (આઇ.એ.એસ.), સુરત પોલીસ કમિશનર અજય કુમાર તોમર (આઇ.પી.એસ.) અને સુરત મહાનગરપાલિકાની સ્થાયી સમિતિના અધ્યક્ષ પરેશ પટેલ Yarn Expoમાં વિશેષ અતિથિ તરીકેનું સ્થાન શોભાવશે.-India News Gujarat
Yarn Expo વિશે આ પણ જાણો-India News Gujarat
Yarn Expo વિશે ચેમ્બરના ઓલ એકઝીબીશન્સ ચેરમેન બિજલ જરીવાલાએ જણાવ્યું હતું કે, Yarn Expo અંદાજે ૧ લાખ ૧૬ હજાર સ્કવેર ફૂટ એરિયામાં યોજાશે. જેમાં ૮૬ જેટલા એકઝીબીટર્સ ભાગ લઇ રહયા છે. સુરત ઉપરાંત અમદાવાદ, વલસાડ, સિલવાસા, મેરઠ, મુંબઇ, સાલેમ, ચેન્નાઇ, કોઇમ્બતુર, ઇરોડ, હુગલી, હૈદરાબાદ અને સિકંદરાબાદના એકઝીબીટર્સોએ પ્રદર્શનમાં ભાગ લીધો છે. Yarn Expo ના ચેરમેન ગિરધરગોપાલ મુંદડાએ જણાવ્યું હતું કે, આ પ્રદર્શનમાં એકઝીબીટર્સ દ્વારા નેચરલ અને મેનમેડ ફેબ્રિકસમાં આવી રહેલા પરિવર્તનો અને વિકાસને દર્શાવતા કોટન, પોલીસ્ટર, વુલ, સિલ્ક, લિનન, વિસ્કોસ, રેમી અને સ્પાન્ડેક્ષ વગેરે ઉત્પાદનો પ્રદર્શિત કરનાર છે. આ ઉપરાંત ઈલાસ્ટીક, મેટાલિક, એમ્બ્રોઈડરી, ટેક્ષ્ચર્ડ, સ્લબ, ડોપ ડાઈડ સ્પન, લો ટોર્ક અને ફેન્સી મિલેન્જ જેવા વિવિધ સ્પેશિયાલિટી ફાઈબર પણ Yarn Expoમાં જોવા મળશે. દક્ષિણ ગુજરાતના વ્યાપાર ઉદ્યોગ જગતના પ્રતિનિધિઓ Yarn Expoમાં ઉપસ્થિત રહેનાર છે. Yarn Expo ના કો–ચેરમેન ઉમેશ ક્રિષ્ણાનીએ જણાવ્યું હતું કે, ચેમ્બર ઓફ કોમર્સ દ્વારા આ વર્ષે Yarn Expoનું ચોથું એડીશન યોજાઇ રહયું છે. પ્રથમ વખત સૌથી વિશાળ એરિયામાં પ્રદર્શનનું આયોજન કરવામાં આવ્યું છે. જેને કારણે Yarn Expoની આશરે ર૦ હજારથી વધુ બાયર્સ તથા વિઝીટર્સ પ્રદર્શનની મુલાકાત લેશે તેવી આશા છે. -India News Gujarat
યાર્ન એકસ્પોમાં આ વિશિષ્ટ યાર્ન પ્રદર્શિત કરવામાં આવશે -India News Gujarat
- એન્ટીબેકટેરિયલ યાર્ન
- ઇમીટેટ સિલ્ક યાર્ન
- સિરો ઇમ્પેકટ યાર્ન
- ગ્રેનાઇટ યાર્ન
- હેમ્પ યાર્ન
- ફલેકસ યાર્ન
- વૂલ લાઇક પોલિએસ્ટર યાર્ન
- કોટન સ્ટ્રેચ યાર્ન
- રિસાયકલ યાર્ન
- ઇકો ગોલ્ડ બાયો ડિગ્રીડેબલ યાર્ન
- સ્પોર્ટ્સ વેર માટે કુલ ટેકસ્ટ યાર્ન
- ફાયર રિટર્ડન્ટ યાર્ન
Yarn Expoમાં ભાગ લઇ રહેલા મહત્વના એકઝીબીટર્સમાં રિલાયન્સ ઇન્ડસ્ટ્રીઝ લિમિટેડ, ગ્રાસિમ ઈન્ડસ્ટ્રીઝ લિ. (ઈન્ડિયન રેયોન્સ), ભિલોસા ઇન્ડસ્ટ્રીઝ પ્રા.લિ., પરફેકટ ફિલામેન્ટ્સ લિ., આલોક ઇન્ડસ્ટ્રીઝ લિ., મહારાજા ઇન્ડસ્ટ્રીઝ, મધુસુદન ગૃપ, એ.આર. કોર્પોરેશન, સેન્ચુરી એન્કા લિમિટેડ, દોધીયા સિન્થેટિકસ લિમિટેડ, ગોકુલાનંદ ટેકચ્યુરાઇઝર્સ પ્રા.લિ., ઇમ્પાર્ક, કેજરીવાલ જીઓટેક પ્રા.લિ., લેન્ઝીંગ ફાઇબર્સ ઇન્ડિયા પ્રા.લિ., મનોહર કેપિટલ માર્કેટ્સ લિ., મેહેર ઇન્ટરનેશનલ, નિમ્બાર્ક ફેશન લિ., પલ્લવા ટેકસટાઇલ પ્રા.લિ., રેડીયન્ટ હોલોગ્રાફિકસ, રીઘન ફેશન્સ પ્રા.લિ., સમોસરન યાર્ન પ્રા.લિ., સનાથન ટેકસટાઇલ્સ લિ., શ્રૃતિ ફિલાટેકસ પ્રા.લિ., પીએન્ડપી પોલિમર્સ પ્રા.લિ., શ્રી દામોદર યાર્ન મેન્યુ. પ્રા.લિ., શ્રી મુનીવીર સ્પીનિંગ મીલ્સ, પાયોનીર એમ્બ્રોઇડરીઝ લિ., સંબંધમ સ્પીનિંગ મીલ્સ લિ., લી મેરીટ એકસપોર્ટ્સ લિ., આરાધના ટેકસટાઇલ પ્રા.લિ., અમીગો ઇન્ડસ્ટ્રીઝ, અંજલી ફાઇબર ઇન્ડિયા એલએલપી, કિશન જરી, ઓલટેકસ એકઝીમ પ્રા.લિ., મીનાક્ષી એમ્બ્રોઇડરી યાર્ન, જીવરાજકા ટેકસટાઇલ ઇન્ડસ્ટ્રીઝ અને શ્રી દુર્ગા સિન્ટેકસ પ્રા.લિ. જેવા અનેક જાણીતા યાર્ન ઉત્પાદકોનો સમાવેશ થાય છે.-India News Gujarat
