સુરતમાં મુંબઇ GSTની ટીમના ધામા
GST વિભાગ સાથે મોટી રકમની છેતરપિંડી કરીને સુરતમાં રહેવા આવી ગયેલી મહિલાને મુંબઇ GSTની ટીમે તેના ઘરેથી દબોચી લીધી હતી. મુંબઇ GST કમિશનર દ્વારા આ મહિલાની અટકાયત કરવામાં આવી છે. આ મહિલાને તપાસ માટે મુંબઇ લઇ જવાતા તેની તબિયત લથડી હતી અને આરોપી મહિલાને મુંબઇની હિન્દુજા હોસ્પિટલમાં દાખલ કરવામાં આવી છે. સ્થાનિક લોકોએ જણાવ્યું હતું કે, મહિલા શું વેપાર કરે છે તેની કોઇ જાણકારી તેમને મળી શકી ન હતી. – India News Gujarat
લાખો રૂપિયાની રોકડ રકમ જપ્ત
મુંબઇ ખાતે જીએસટીમાં અંદાજે રૂપિયા 150 કરોડનો ગફલો કરીને સુરતના વેસુ વિસ્તારમાં પ્રિમા માતરે ઉર્ફે શગુન નામની મહિલા રહેવા આવી ગઇ હતી. વેસુના ભગવતી આશીષ વિભાગ-1 માં ભાડેથી રહેતી શગુનને ત્યાં મુંબઇ જીએસટી કમિશનર અને તેમની ટીમ દ્વારા દરોડા પાડવામાં આવ્યા હતા. જેમાં તેના ઘરમાંથી લાખો રૂપિયાની રોકડ રકમ હાથ લાગી હતી. જેને જીએસટીના અધિકારીઓ દ્વારા જપ્ત કરવામાં આવી હતી. ઉપરાંત આ મહિલાને રૂપિયા 150 કરોડના જીએસટી ચોરીના કેસમાં અટકાયતમાં લઇને તપાસ અર્થે મુંબઇ લઇ જવામાં આવી હતી. – India News Gujarat
મહિલા આરોપીને અચાનક છાતીમાં દુઃખાવો ઉપડ્યો
મુંબઇ ખાતે શગુનની જીએસટી અધિકારીઓએ આંકરી પુછપરછ શરૂ કરતા તેની તબિયત બગડી ગઇ હતી. જ્યારે તેણે જીએસટી અધિકારીઓને ફરિયાદ કરી હતી કે, તેને ચક્કર આવે છે અને છાતીમાં દુઃખાવો થઇ રહ્યો છે. જેથી જીએસટી વિભાગના અધિકારીઓની દેખરેખ હેઠળ આ મહિલાને તાત્કાલિક સારવાર માટે મુંબઇની હિન્દુજા હોસ્પિટલમાં દાખલ કરવામાં આવી હતી. જ્યાં આ મહિલાની તબિયત સ્થિર હોવાનું જાણવા મળે છે. જ્યારે મહિલાને હોસ્પિટલમાંથી રજા આપવામાં આવશે ત્યાર પછી તેની ફરી વખત પુછપરછ કરવામાં આવશે એવુ જીએસટી વિભાગના સૂત્રો જણાવી રહ્યા છે. – India News Gujarat
સ્થાનિક પોલીસની મદદ લેવામાં આવી
મુંબઇમાં જીએસટી વિભાગ સાથે ગફલો કરીને સુરતના વેસુ વિસ્તારમાં શગુન નામની મહિલા રહે છે એવી જાણકારી મુંબઇ જીએસટી વિભાગના કમિશનરને મળી હતી. જીએસટી વિભાગની ટીમે તુરંત સુરત પોલીસ કમિશનરનો સંપર્ક કરીને જરૂરી બંદોબસ્તની માંગણી કરી હતી. જેથી મહિલા પોલીસ અધિકારી સહિતના સ્ટાફનો બંદોબસ્ત ફાળવવામાં આવ્યો હતો તેમજ પોલીસે વેસુ ખાતે શગુનના ફ્લેટ પર છાપો માર્યો હતો. મહિલાને દબોચી લઇ જરૂરી પેપર વર્ક કરીને જીએસટીની ટીમ મુંબઇ જવા રવાના થઇ ગઇ હતી. – India News Gujarat
તમે આ પણ વાંચી શકો છો – AAP યહાં આયે કિસ લીયે : BJP ?? India News Gujarat
SHARE
