Odisha Rains: ભારે વરસાદ અને પૂર જેવી સ્થિતિ વચ્ચે, ઓડિશાના ભુવનેશ્વરમાં 6,834 લોકોને સ્થળાંતર કરીને સુરક્ષિત સ્થળોએ ખસેડવામાં આવ્યા છે. અધિકારીઓએ આ માહિતી આપી હતી. સ્પેશિયલ રિલીફ કમિશનર (SRC) સત્યબ્રત સાહૂ સ્ટેટ ઇમરજન્સી ઓપરેશન સેન્ટર દ્વારા પરિસ્થિતિ પર નજીકથી નજર રાખી રહ્યા છે. તેમણે કહ્યું કે રાજ્યમાં ભારે વરસાદ અને પૂર જેવી સ્થિતિને પગલે મોટી સંખ્યામાં લોકોને સ્થળાંતર કરીને સુરક્ષિત સ્થાનો પર રાખવામાં આવ્યા છે.
વિશેષ રાહત કમિશનરે જણાવ્યું હતું કે, “ભારે વરસાદ અને પૂર જેવી સ્થિતિને કારણે 6,834 લોકોને સલામત સ્થળે ખસેડવામાં આવ્યા છે અને તેમને આશ્રય આપવામાં આવ્યો છે. તેમને શુષ્ક ખોરાક અને પીવાના પાણી સાથે મફત રસોડું આપવામાં આવ્યું છે. ઘણી જગ્યાએ ફ્રી કિચન ખોલવામાં આવ્યા છે.”
1.20 લાખ અસરગ્રસ્ત
અધિકારીએ વધુમાં જણાવ્યું હતું કે, પ્રાથમિક માહિતી મુજબ, 15 જિલ્લાના 90 બ્લોકમાં 1.20 લાખ લોકો, 762 ગામો અને 17 યુએલબીના 66 વોર્ડ ભારે વરસાદ અને પૂર જેવી પરિસ્થિતિથી પ્રભાવિત થયા છે. મહાનદીમાં પાણીનું સ્તર વધવાને કારણે કટક, ખોરધા, પુરી, કેન્દ્રપારા અને જગતસિંહપુરના નીચાણવાળા જિલ્લાઓમાં પૂર જેવી સ્થિતિ સર્જાવાની શક્યતા છે.
નેશનલ હાઈવે પર માછલી પકડાઈ
આ વિસ્તારમાં ભારે વરસાદના પરિણામે ગુરુવારે બાલાંગિરના પાટણેશ્વરી મંદિરમાં પણ પાણી ભરાઈ જવાના અહેવાલ છે. બુધવારે ઓડિશાના ઘણા ભાગોમાં ભારે વરસાદ થયો હતો. ભારે અને અવિરત વરસાદને પગલે મત્સ્યોદ્યોગ વિભાગના તળાવો પાણીથી ભરાઈ ગયા બાદ બૌધ વિસ્તારમાં નેશનલ હાઈવે 57 પર સ્થાનિકો માછીમારી કરતા જોવા મળ્યા હતા.
આ પણ વાંચોઃ Nitin Desai: કોર્ટમાં અરજી ફગાવી દેવાયા બાદ લેવાયું મોટું પગલું, રાત્રે કરી આત્મહત્યા: INDIANEWS GUJARAT
SHARE
