રવિવારે કેન્દ્રીય ગૃહ પ્રધાન અમિત શાહ તેમની એક દિવસીય મુલાકાતે કેરળ પહોંચ્યા હતા. આ દરમિયાન અમિત શાહે કોંગ્રેસ અને સીપીઆઈ(એમ) પર આકરા પ્રહારો કર્યા અને કહ્યું કે જનતાએ આજે આ બંને પક્ષોને નકારી દીધા છે. તેમના સંબોધન દરમિયાન શાહ કોંગ્રેસના પૂર્વ રાષ્ટ્રીય અધ્યક્ષ અને સાંસદ રાહુલ ગાંધી પર પણ પ્રહાર કરતા જોવા મળ્યા હતા.
અમિત શાહે શું કહ્યું?
થ્રિસુરમાં એક જાહેર સભાને સંબોધતા ગૃહમંત્રીએ કહ્યું કે “એક પછી એક કેરળના લોકો સીપીઆઈ(એમ) અને કોંગ્રેસને તકો આપી રહ્યા છે. કોમ્યુનિસ્ટ પાર્ટી દુનિયામાંથી નાબૂદ થઈ ગઈ છે અને લોકોએ કોંગ્રેસ અને સીપીઆઈ(એમ) બંનેને ફગાવી દીધા છે. આગળ શાહ કહે છે, “ભાજપને તક આપો, અમે કેરળનો વિકાસ કરીશું.” વધુમાં અમિત શાહે રાહુલ ગાંધી પર નિશાન સાધતા કહ્યું કે ‘કોંગ્રેસના નેતા કહે છે કે તેઓ અમારા પ્રિય નેતા વડાપ્રધાન મોદીની કબર ખોદશે. હું રાહુલ ગાંધીને કહું છું કે તમે તેમને જેટલા બદનામ કરશો તેટલા જ આખા દેશમાં કમળ ખીલશે.
ગણનાપાત્ર સિદ્ધિઓ
વધુમાં, ભાજપ સરકારની સિદ્ધિઓ ગણાવતા અમિત શાહે કહ્યું, “દેશે જેટલી પ્રગતિ 70 વર્ષમાં નથી કરી, એટલી પ્રગતિ મોદીજીના નેતૃત્વમાં 9 વર્ષમાં થઈ છે. 2014માં જ્યારે મોદીજીએ સત્તા સંભાળી ત્યારે આપણા દેશની અર્થવ્યવસ્થા વિશ્વની અર્થવ્યવસ્થાના ટેબલમાં 11મા નંબરે હતી. પરંતુ 9 વર્ષના ટૂંકા ગાળામાં આપણી અર્થવ્યવસ્થા વિશ્વની 5મી સૌથી મોટી અર્થવ્યવસ્થા બની ગઈ છે. આ એક મોટી ઉપલબ્ધિ છે અને આ 9 વર્ષમાં મોદીજીએ દેશને સુરક્ષિત કરવાનું કામ કર્યું છે.
10 દિવસમાં જ ભારતીય સેનાએ સર્જિકલ સ્ટ્રાઈક કરીને પાકિસ્તાનમાં ઘૂસીને આતંકવાદીઓને ઠાર કર્યા
અમિત શાહે વધુમાં કહ્યું કે પહેલા આતંકવાદીઓ અંદર ઘૂસીને આપણા જવાનોના માથા લઈ જતા હતા, પરંતુ યુપીએ સરકારે મૌન સેવ્યું હતું. મોદીજીના સમયમાં ઉરીના પુલવામામાં પાકિસ્તાને હુમલો કર્યો હતો, પરંતુ માત્ર 10 દિવસમાં જ ભારતીય સેનાએ સર્જિકલ સ્ટ્રાઈક કરીને પાકિસ્તાનમાં ઘૂસીને આતંકવાદીઓને ઠાર કર્યા હતા.
SHARE
