Tesla in India: વડાપ્રધાન નરેન્દ્ર મોદી હાલ અમેરિકાના પ્રવાસે છે, આવી સ્થિતિમાં ભારતીય બજાર માટે મોટા સમાચાર સામે આવી રહ્યા છે. હકીકતમાં, વિશ્વના સૌથી ધનાઢ્ય વ્યક્તિ ઇલોન મસ્કની ઇલેક્ટ્રિક કાર કંપની ટેસ્લાનું નામ ભારત સાથે જોડાવા જઇ રહ્યું છે.ટેસ્લાના સીઇઓ ઇલોન મસ્કનું કહેવું છે કે તેમની ઇલેક્ટ્રિક કાર કંપની ભારતમાં જ હશે. વહેલામાં વહેલી તકે રોકાણની તકો શોધી રહ્યા છીએ. માનવીય રીતે શક્ય તેટલું જલદી રોકાણ કરવામાં આવશે, એમ તેમણે ઉમેર્યું. ઈલોન મસ્કે તેમની કંપનીના આ નિર્ણયની જાણકારી વડાપ્રધાન નરેન્દ્ર મોદીને આપી હતી, જેઓ હાલ અમેરિકાની મુલાકાતે છે.
અમેરિકન પ્રવાસ રોકાણ માટે ખૂબ જ મહત્વપૂર્ણ
PM મોદીની અમેરિકન મુલાકાત રોકાણ માટે ખૂબ જ મહત્વપૂર્ણ છે.આ મુલાકાત દરમિયાન વડાપ્રધાન નરેન્દ્ર મોદી સરકારી અધિકારીઓ સિવાય ઘણા અમેરિકન બિઝનેસમેન અને CEOને મળવાના છે. આ સંબંધમાં ઈલોન મસ્ક વડાપ્રધાન નરેન્દ્ર મોદીને પણ મળ્યા હતા.
ટેસ્લાની રોકાણ યોજના
એલોન મસ્કે પીએમ મોદી સાથે મુલાકાત બાદ ટેસ્લાની ભારતમાં રોકાણ યોજનાઓ વિશે ટિપ્પણી કરી હતી. જ્યારે પત્રકારોએ તેમને ભારતમાં ટેસ્લાની રોકાણ યોજનાઓ વિશે પૂછ્યું, ત્યારે તેમણે કહ્યું, “મને ખાતરી છે કે ટેસ્લા ભારત પહોંચશે, અને તે માનવીય રીતે શક્ય તેટલા વહેલામાં થશે.” આ સાથે મસ્કે એ પણ જણાવ્યું કે તે આવતા વર્ષે ભારતની મુલાકાત લઈ શકે છે.
મસ્કે વડાપ્રધાનનો આભાર માન્યો હતો
“હું વડા પ્રધાનને તેમના સમર્થન માટે આભાર માનવા માંગુ છું, અને મને આશા છે કે અમે ટૂંક સમયમાં કંઈક જાહેર કરી શકીશું, જેમાં વધુ સમય લાગવો જોઈએ નહીં,” મસ્કે કહ્યું. તેમણે કહ્યું કે ભારત પાસે સૌર ઉર્જા, બેટરી, ઈલેક્ટ્રીક વાહનો સહિત ટકાઉ ઉર્જા ક્ષેત્રે નક્કર ક્ષમતા છે. મસ્કે ભારતમાં ટૂંક સમયમાં સ્ટારલિંકની સેટેલાઇટ ઇન્ટરનેટ સેવાઓ શરૂ કરવાની આશા પણ વ્યક્ત કરી હતી.
તમે આ પણ વાંચી શકો છો- Google I/O 2023: સાર્વત્રિક અનુવાદક સાધન શું છે જેનું Google પરીક્ષણ કરી રહ્યું છે?
તમે આ પણ વાંચી શકો છો- Google Drive Update: ગૂગલ ડ્રાઇવમાં આ નવા ફેરફાર સાથે હવે તમે એકસાથે બે એકાઉન્ટ ઓપરેટ કરી શકશો
SHARE
