India news : રણજી ટ્રોફી 2023-24ના પહેલા દિવસે જ મુંબઈ અને બિહાર વચ્ચેની મેચમાં વિવાદ સર્જાયો હતો. પટનાના મોઇન-ઉલ-હક સ્ટેડિયમમાં આ મેચ રમાવવાની હતી. મુંબઈ સામે રમવા માટે બિહારની એક નહીં પણ બે ટીમો મેદાને ઉતરી હતી. એક મિડીયા રિપોર્ટ અનુસાર, બિહાર ક્રિકેટ એસોસિએશનના 2 ગ્રૂપ વચ્ચેનો મતભેદ મેદાન સુધી પહોંચ્યો હતો.
પહેલા જ દિવસે દર્શકોની જોવા મળી ભારે ભીડ
મુંબઈ અને બિહાર વચ્ચે રમાઈ રહેલી આ ક્રિકેટ મેચ જોવા પહેલા જ દિવસે દર્શકોની ભીડ જોવા મળી હતી. પરંતુ મેચથી વધુ ચર્ચા બિહાર ક્રિકેટ એસોસિયેશનના અંદરખાને ચાલી રહેલા વિવાદની હતી. મુંબઈ સામે મેચ રમવા બિહારની બે ટીમો મેદાનમાં પહોંચી હતી.
બિહારની બે ટીમો પહોંચી રણજી ટ્રોફી માટે
મુંબઈ સામેની મેચ રમવા માટે વહેલી સવારે ગ્રાઉન્ડ પર પહોંચેલી બે ટીમોમાંથી એક BCA પ્રમુખ રાકેશ તિવારીએ પસંદ કરેલી ટીમ હતી જ્યારે બીજી ટીમ સેક્રેટરી અમિત કુમારની હતી. નવાઈની વાત એ છે કે એકપણ ક્રિકેટર એવો નહોતો, જેનું નામ બંને ટીમમાં હોય. જો કે પોલીસે કડકાઈથી સચિવ અમિત કુમાર દ્વારા જાહેર કરેલી ટીમને પરત મોકલી દીધી હતી.
અમિતે તિવારીના સસ્પેન્શનના દાવાને પડકાર્યો
દરમિયાન સેક્રેટરી અમિતે તિવારીના સસ્પેન્શનના દાવાને પડકાર્યો હતો. તેણે કહ્યું, ‘સૌ પ્રથમ: હું ચૂંટણી જીત્યો, અને હું BCAનો સત્તાવાર સચિવ છું. તમે સેક્રેટરીને સસ્પેન્ડ કરી શકતા નથી. બીજો પ્રમુખ કેવી રીતે ટીમ પસંદ કરે છે? શું તમે ક્યારેય બીસીસીઆઈ પ્રમુખ રોજર બિન્નીને ટીમની જાહેરાત કરતા જોયા છે?
ગુનેગારોની ઓળખ
BCAએ એક અખબારી યાદીમાં સસ્પેન્ડ સેક્રેટરી અમિત પર નકલી ટીમ સાથે આવવાનો અને ગેટ પર એક અધિકારી પર હુમલો કરવાનો આરોપ મૂક્યો હતો. BCA પ્રેસ રિલીઝ અનુસાર, ‘BCA OSD મનોજ કુમાર પર નકલી ટીમમાં સામેલ લોકોએ જીવલેણ હુમલો કર્યો હતો. આ ઘટના બાદ BCAએ કહ્યું કે તમામ ગુનેગારોની ઓળખ કરવામાં આવી રહી છે. ત્યારપછી તેમની સામે કડક કાયદાકીય કાર્યવાહી કરવામાં આવશે, જેથી આવી ઘટના ફરી ન બને.
આ પાણ વાંચોઃ Deepika-Ranveer : દીપિકા-રણવીર પોતાના પરિવારને આગળ લઈ જવા માંગે છે, બાળકો વિશે કહ્યું આ : INDIA NEWS GUJARAT
આ પાણ વાંચોઃ Janhvi Kapoor : જાહ્નવી કપૂરે ખોલ્યા ઘણા રહસ્યો, રૂમર્ડ બોયફ્રેન્ડ શિખર પહાડિયા માટે આ કહ્યું : INDIA NEWS GUJARAT
SHARE
