MQ9-B: અમેરિકાએ ભારતને MQ-9B પ્રિડેટર ડ્રોન વેચવાની મંજૂરી આપી છે. હવે અમેરિકાએ આ ડિફેન્સ ડીલને લઈને નિવેદન જાહેર કર્યું છે. અમેરિકાએ કહ્યું છે કે ભારતને અંદાજે 4 બિલિયન ડોલરના ખર્ચે 31 ડ્રોન વેચવામાં આવશે, જેનાથી તેમની દરિયાઈ સુરક્ષામાં વધારો થશે.
MQ-9B ડ્રોન ભારતની દરિયાઈ સુરક્ષા વધારશે
યુએસ સ્ટેટ ડિપાર્ટમેન્ટના ડેપ્યુટી પ્રવક્તા વેદાંત પટેલે જણાવ્યું હતું કે અમારું માનવું છે કે આ વેચાણ ભારતને દરિયાઈ સુરક્ષા અને દરિયાઈ જાગૃતિ ક્ષમતાઓ પ્રદાન કરશે. તેમણે કહ્યું કે આ સંરક્ષણ સોદો ભારતને આ વિમાનોની સંપૂર્ણ માલિકી આપશે અને અમે આ ક્ષેત્રમાં અમારા ભારતીય ભાગીદારો સાથે વધુ ગાઢ સહયોગ કરવાનું ચાલુ રાખીશું.
અમેરિકાએ સંરક્ષણ સોદાને મંજૂરી આપી
નોંધનીય છે કે ગયા અઠવાડિયે અમેરિકાએ ભારતને 3.99 અબજ યુએસ ડોલરના અંદાજિત ખર્ચે 31 MQ-9B સશસ્ત્ર ડ્રોનના વેચાણને મંજૂરી આપી હતી. આ દરિયાઈ માર્ગો પર માનવરહિત દેખરેખ અને જાસૂસી પેટ્રોલિંગ દ્વારા વર્તમાન અને ભવિષ્યના જોખમોનો સામનો કરવાની ભારતની ક્ષમતાને વધારશે. આ ડ્રોન ડીલની જાહેરાત વડાપ્રધાન મોદીની જૂન 2023માં અમેરિકાની મુલાકાત દરમિયાન કરવામાં આવી હતી.
તમે આ પણ વાચી શકો છો :
Modi on Nehru: નેહરુ અને ઈન્દિરા પર નિશાન સાધ્યું
તમે આ પણ વાચી શકો છો :
ED Raid: અરવિંદ કેજરીવાલના નજીકના સંબંધીઓ પર દરોડા
SHARE
