India Canada Row: ખાલિસ્તાન સમર્થક હરદીપ સિંહ નિજ્જરની હત્યા પર કેનેડાના વડાપ્રધાન જસ્ટિન ટ્રુડોના ભારત પ્રત્યેના વલણથી બંને દેશો વચ્ચેના સંબંધોમાં ખટાશ આવી ગઈ છે. કેનેડાએ નિજ્જરની હત્યા માટે ભારતને જવાબદાર ઠેરવ્યું હતું. હવે ભારતે પણ આનો જડબાતોડ જવાબ આપ્યો છે. ભારત આ મામલે ખાલિસ્તાની આતંકવાદીઓ વિરુદ્ધ કાર્યવાહી કરવાની તૈયારી કરી રહ્યું છે. આ ઉપરાંત એજન્સીઓને વિદેશમાં રહેલા આતંકીઓની ઓળખ કરવા માટે પણ સૂચના આપવામાં આવી છે.
તમને જણાવી દઈએ કે અમેરિકા, બ્રિટન, કેનેડા અને ઓસ્ટ્રેલિયા જેવા દેશોમાં વિવિધ એજન્સીઓને ખાલિસ્તાની આતંકવાદીઓની ઓળખ કરવા માટે કહેવામાં આવ્યું છે. આ સાથે જ ભારત દ્વારા આવા આતંકવાદીઓને ઓળખવા અને તેમના OCI કાર્ડ રદ કરવાના નિર્દેશ આપવામાં આવ્યા છે. ખાલિસ્તાની આતંકવાદીઓની મિલકતોની ઓળખ કરવામાં આવી રહી છે.
UAPA હેઠળ કાર્યવાહી
નેશનલ ઇન્વેસ્ટિગેશન એજન્સી (NIA) એ પ્રતિબંધિત અલગતાવાદી સંગઠન શીખ ફોર જસ્ટિસના નેતા ગુરપતવંત સિંહ પન્નુ સામે મોટી કાર્યવાહી કરી હતી. હવે એજન્સીઓએ બ્રિટન, અમેરિકા, કેનેડા, દુબઈ, પાકિસ્તાન અને અન્ય દેશોમાં રહેતા 19 ભાગેડુ ખાલિસ્તાની આતંકવાદીઓની યાદી તૈયાર કરી છે.
સુરક્ષા એજન્સીઓ વર્ષોથી શોધી રહી હતી. આવા આતંકવાદીઓ પર વિદેશમાંથી ભારત વિરોધી પ્રચાર કરવાનો આરોપ છે. ભારત સરકાર તેમની સામે કડક આતંકવાદ વિરોધી અધિનિયમ (UAPA) હેઠળ કાર્યવાહી કરવાની તૈયારી કરી રહી છે.
આ પણ વાંચોઃ Artificial Colors in Vegetables : શું તમે લીલા શાકભાજીને બદલે ઝેર ખરીદો છો? : INDIA NEWS GUJARAT
આ પણ વાંચોઃ Britain Woman Killed Parrot : કોઈ માણસ નશઆની હાલતમાં આટલી હદ સુધી જઈ શકે? : INDIA NEWS GUJARAT
SHARE
