India news :
એશિયા કપની ફાઈનલ મેચમાં ભારતનો વિજય થયો છે. ભારતે શ્રીલંકાને 10 વિકેટે હરાવીને ટાઈટલ જીત્યું હતું. મેચની શરૂઆતમાં શ્રીલંકાએ ટોસ જીતીને બેટિંગ કરવાનો નિર્ણય લીધો હતો. પ્રથમ બેટિંગ કરતા શ્રીલંકાએ 15.2 ઓવરમાં 10 વિકેટ ગુમાવીને 50 રન બનાવ્યા હતા. જવાબમાં ભારતીય ટીમે ટાર્ગેટ 7.1 ઓવરમાં કોઈ પણ નુકશાન વિના પૂરો કરી લીધો હતો. આ આઠમી વખત છે જ્યારે ભારતીય ટીમ એશિયા કપ જીતી છે. ભારત તરફથી મોહમ્મદ સિરાજે 6 વિકેટ લીધી હતી.
ભારતે ટાર્ગેટ 6.1 ઓવરમાં પૂરો કર્યો હતો
51 રનના જવાબમાં ભારતીય ટીમે 6.1 ઓવરમાં ટાર્ગેટ પૂરો કર્યો હતો. ઓપનર ઈશાન કિશને અણનમ 23 જ્યારે શુભમન ગીલે 27 રન બનાવ્યા હતા.
મોહમ્મદ સિરાજે 6 વિકેટ લીધી હતી
ટોસ હારીને પ્રથમ બેટિંગ કરવાનો નિર્ણય લેનાર શ્રીલંકાની શરૂઆત અને અંત ખરાબ રહ્યો હતો. મોહમ્મદ સિરાજે એક ઓવરમાં 4 વિકેટ લઈને શ્રીલંકાને ઘણું પાછળ ધકેલી દીધું હતું. જસપ્રીત બુમરાહે પ્રથમ ઓવરના ત્રીજા બોલ પર કુસલ પરેરાની વિકેટ લીધી હતી. પરેરા ખાતું ખોલાવ્યા વિના જ આઉટ થઈ ગયો હતો. જ્યારે ચોથી ઓવરના પ્રથમ, ત્રીજા, ચોથા અને છઠ્ઠા બોલ પર મોહમ્મદ સિરાજે એક જ ઓવરમાં 4 વિકેટ લઈને શ્રીલંકાની રમતને સંપૂર્ણપણે બગાડી નાખી હતી.
હાર્દિક પડ્યાને 3 વિકેટ પોતાના નામે કરી હતી
આ પછી મોહમ્મદ સિરાજે છઠ્ઠી ઓવરના ચોથા બોલ પર દાસુન શનાકાની વિકેટ લઈને મેચને સંપૂર્ણ રીતે ભારત તરફ ફેરવી દીધી હતી. આ પછી સિરાજે 12મી ઓવરના બીજા બોલ પર કુસલ મેન્ડિસની વિકેટ લીધી હતી. જ્યારે હાર્દિક પડ્યાને 3 વિકેટ પોતાના નામે કરી હતી.
શ્રીલંકા તરફથી કુસલ મેન્ડિસે સૌથી વધુ રન બનાવ્યા હતા. કુસલ મેન્ડિસે 17 રન બનાવ્યા હતા. જ્યારે દુષણ હેમંતે 13 રનની અણનમ ઇનિંગ રમી હતી. આ પછી શ્રીલંકાના કોઈપણ બેટ્સમેન બે આંકડાનો આંકડો પાર કરી શક્યો નહોતો.
તે એક સ્વપ્ન જેવું લાગે છે – મોહમ્મદ સિરાજ
મોહમ્મદ સિરાજે કહ્યું કે આ એક સ્વપ્ન જેવું લાગે છે. છેલ્લી વખતે મેં ત્રિવેન્દ્રમમાં શ્રીલંકા સામે આવું જ કર્યું હતું.’ ઝડપથી ચાર વિકેટ મેળવી, પાંચ વિકેટ ન લઈ શક્યો. સમજાયું કે તમને તે મળે છે જે તમારા માટે નિર્ધારિત છે. આજે બહુ પ્રયત્ન કર્યો નથી. હું હંમેશા વ્હાઈટ બોલ ક્રિકેટમાં સ્વિંગ માટે જોઈ રહ્યો છું. અગાઉની રમતોમાં કંઈ ખાસ જોવા મળ્યું ન હતું. પરંતુ આજે તે સ્વિંગ થઈ રહ્યો હતો અને મને આઉટ સ્વિંગર તરફથી વધુ વિકેટ મળી હતી. બેટ્સમેનોને હાંકવા માગતો હતો.
બંને ટીમો નીચે મુજબ છે
ભારત: રોહિત શર્મા (કેપ્ટન), શુભમન ગિલ, વિરાટ કોહલી, કેએલ રાહુલ (વિકેટકીપર), ઈશાન કિશન, હાર્દિક પંડ્યા, રવિન્દ્ર જાડેજા, વોશિંગ્ટન સુંદર, જસપ્રિત બુમરાહ, કુલદીપ યાદવ, મોહમ્મદ સિરાજ.
શ્રીલંકા: પથુમ નિસાંકા, કુસલ પરેરા, કુસલ મેન્ડિસ (wk), સાદિરા સમરાવિક્રમા, ચારિથ અસલંકા, ધનંજય ડી સિલ્વા, દાસુન શનાકા (c), દુનિથ વેલાલાગે, દુષણ હેમંથા, પ્રમોદ મદુશન, મથિશા પાથિરાના.
આ પણ વાંચોઃ Artificial Colors in Vegetables : શું તમે લીલા શાકભાજીને બદલે ઝેર ખરીદો છો? : INDIA NEWS GUJARAT
આ પણ વાંચોઃ Britain Woman Killed Parrot : કોઈ માણસ નશઆની હાલતમાં આટલી હદ સુધી જઈ શકે? : INDIA NEWS GUJARAT
SHARE
