T20 વર્લ્ડ કપમાં આજે ભારત અને પાકિસ્તાન વચ્ચે શાનદાર મુકાબલો
IND vs PAK : T20 વર્લ્ડ કપમાં આજે ભારત અને પાકિસ્તાન વચ્ચે શાનદાર મુકાબલો થશે. રોહિત શર્માની આગેવાની હેઠળની ટીમ ઈન્ડિયા ઓસ્ટ્રેલિયાના મેલબોર્ન ક્રિકેટ સ્ટેડિયમમાં બાબર આઝમની પાકિસ્તાન સામે ટકરાશે. ભારતીય ટીમ માટે ICC T20 વર્લ્ડ કપ 2022ની આ પ્રથમ મેચ હશે.
છેલ્લો વર્લ્ડ કપ
તમને જણાવી દઈએ કે આ પહેલા ટી20 વર્લ્ડ કપ 2021માં ટીમ ઈન્ડિયાનું પ્રદર્શન ખૂબ જ ખરાબ રહ્યું હતું, ભારતીય ટીમ સેમીફાઈનલમાં પણ પહોંચી શકી નહોતી. આ સાથે જ પાકિસ્તાની ટીમ સેમીફાઈનલમાં ઓસ્ટ્રેલિયા સામે 5 વિકેટે હારીને બહાર થઈ ગઈ હતી. ભારતીય ટીમ ઓસ્ટ્રેલિયામાં રમાઈ રહેલી T20 વર્લ્ડ કપ 2022 ટૂર્નામેન્ટમાં ગ્રુપ 2નો ભાગ છે. જેમાં ભારતની સાથે પાકિસ્તાન, દક્ષિણ આફ્રિકા અને બાંગ્લાદેશ જેવી ટીમો છે.
જાણો આંકડા….
ભારતીય ક્રિકેટ ટીમ એકમાત્ર એવી ટીમ છે જેણે પાકિસ્તાન સામે T20 વર્લ્ડ કપમાં છમાંથી પાંચ મેચ જીતી છે. પાકિસ્તાનને માત્ર એક મેચમાં જીત મળી છે.પાકિસ્તાન સામે ટીમ ઈન્ડિયાની જીતની યાદીમાં ટાઈ મેચનો પણ સમાવેશ થાય છે, જે ભારતીય ટીમે 14 સપ્ટેમ્બર, 2007ના રોજ ડરબનમાં ‘બોલ-આઉટ’ દ્વારા જીતી હતી.30 સપ્ટેમ્બર, 2012ના રોજ કોલંબો, શ્રીલંકામાં ભારતીય ટીમની 8 વિકેટથી જીત, ટી20 વર્લ્ડ કપમાં પાકિસ્તાન સામેની કોઈપણ ટીમની વિકેટની દ્રષ્ટિએ સૌથી મોટી જીત છે.
આ પણ વાંચો :
આ પણ વાંચો :
SHARE
