પાકની નાપાક હરકત:
પાકિસ્તાની ડ્રોને Jammu and Kashmirમાં શાંતિ ભંગ કરવાના ઈરાદા સાથે ફરીથી શસ્ત્રો છોડ્યા હતાં, પાકિસ્તાની ડ્રોને આ વિસ્તારમાં ગ્રેનેડ, આઈઈડી, પિસ્તોલ અને દારૂગોળો છોડ્યો. સૌથી મહત્વની વાત એ હતી કે પ્રથમ વખત લિક્વિડ કેમિકલનું કન્સાઈનમેન્ટ પણ પડ્યું હતું. પોલીસે ગુરુવારે આ માહિતી આપી હતી.
શું છે હાલની પરિસ્થિતિ ?
Jammu and Kashmirના પોલીસ મહાનિર્દેશક (ડીજીપી) દિલબાગ સિંહે કહ્યું, “બુધવારે પાકિસ્તાની ડ્રોને જમ્મુ અને કાશ્મીરમાં ગ્રેનેડ, આઈઈડી, પિસ્તોલ અને દારૂગોળો ફેંક્યો. તેમજ પ્રથમ વખત પ્રવાહી સ્વરૂપે કેમિકલનું કન્સાઈનમેન્ટ પણ સાથે મોકલવામાં આવ્યું હતું. ડીજીપીએ કહ્યું કે તેઓ (પાકિસ્તાન) અહીં લાંબા સમયથી ચાલી રહેલી શાંતિને ખલેલ પહોંચાડવા માંગે છે.
અમે વિશ્લેષણ કરી રહ્યા છીએ કે તે શું છે, તેનો ઉપયોગ શું છે અને તે શું નુકસાન કરી શકે છે. આ સિવાય તેણે પોતાના નિવેદનમાં કહ્યું કે કાશ્મીરમાં માદક દ્રવ્યો અને હથિયારો મોકલવામાં આવે છે જેથી નાર્કોટિક્સના વેચાણમાંથી મળેલી રકમનો ઉપયોગ આતંકવાદને ભંડોળ પૂરું પાડવા માટે કરી શકાય.
શું કહ્યું કાશ્મીરના પોલીસ મહાનિર્દેશકે?
કાશ્મીરના પોલીસ મહાનિર્દેશક દિલબાગ સિંહે કહ્યું કે છેલ્લા બે વર્ષમાં અમે એક નવા પડકારનો સામનો કરી રહ્યા છીએ. ડ્રગ્સ અને હથિયારો કાશ્મીરમાં મોકલવામાં આવે છે જેથી નાર્કોટિક્સના વેચાણમાંથી મળેલી રકમનો ઉપયોગ આતંકવાદને મદદ કરવા માટે કરી શકાય. પાકિસ્તાન કાવતરું કરવાનું ચાલુ રાખશે, પરંતુ અમારી પાસે જવાબી પગલાં પણ છે.
બાદમાં તેમણે કહ્યું કે ગયા વર્ષે કુલ 182 આતંકવાદીઓ માર્યા ગયા હતા અને 300 થી વધુ હથિયારો જપ્ત કરવામાં આવ્યા હતા. તે સ્પષ્ટપણે દર્શાવે છે કે પાકિસ્તાન વધુને વધુ આતંકવાદીઓ બનાવવા માટે વધુ હથિયારો મોકલી રહ્યું છે પરંતુ અમે તેને સફળ થવા દેતા નથી.
આ પણ વાંચી શકો Do you know this about NATO? NATO વિશે શું આ જાણો છો?
આ પણ વાંચી શકો Will the Swift system be able to save Ukraine from Russia?શું યુક્રેનને રશિયાના કહેરથી સ્વીફ્ટ સિસ્ટમ બચાવી શકશે?
SHARE
