PAKISTAN CHINA RELATION: દોસ્ત બન્યા દુશ્મન! પાકિસ્તાન સરકારને અપમાનિત કરતી ચીનની નીતિ
ચીનની દયા પર ચાલી રહેલી પાકિસ્તાન સરકાર હવે પોતાની નીતિના કારણે પોતાની જ મુશ્કેલી ઉભી કરી રહી છે. કોરોના રોગચાળાને કારણે હજારો પાકિસ્તાની વિદ્યાર્થીઓ પોતાનો અભ્યાસ પૂર્ણ કરવા ચીન જઈ શક્યા નથી. છેલ્લા બે વર્ષથી ચીનની શૂન્ય-કોવિડ નીતિને કારણે નિયમિત ફ્લાઇટ્સ અને રોડ ટ્રાવેલ પર પ્રતિબંધ મૂકવામાં આવ્યો છે. આ સિવાય ચીનની સરકાર પાકિસ્તાની વિદ્યાર્થીઓના વિઝાને પણ મંજૂરી આપી રહી નથી.
શિક્ષણ પ્રધાન તનવીર હુસૈનની બેઠક
પાકિસ્તાનના નવા શિક્ષણ પ્રધાન રાણા તનવીર હુસૈને ચીન જવા માટે છેલ્લા બે વર્ષથી સંઘર્ષ કરી રહેલા પાકિસ્તાની વિદ્યાર્થીઓની સમસ્યાના નિવારણ માટે ઉચ્ચ શિક્ષણ આયોગ (એચઈસી)ને આ બાબતે સંજ્ઞાન લેવા જણાવ્યું છે. ડૉનના અહેવાલ મુજબ, સરકારે કમિશનને કહ્યું છે કે જે વિદ્યાર્થીઓ પોતાનો અભ્યાસ પૂર્ણ કરવા માટે ચીન જવા માગે છે, પરંતુ વિઝા મંજૂર કરવામાં આવી રહ્યાં નથી. શિક્ષણ પ્રધાન તનવીર હુસૈનની બેઠકમાં વિદેશ મંત્રાલય, HEC, ઉડ્ડયન વિભાગના પ્રતિનિધિઓ અને મંત્રાલયના વરિષ્ઠ અધિકારીઓ ઉપરાંત પંચના અધિકારીઓએ હાજરી આપી હતી.
ચીને પાકિસ્તાનને 251 વિદ્યાર્થીઓની યાદી આપી
પાકિસ્તાનના વિદેશ મંત્રાલય દ્વારા શેર કરવામાં આવેલા ડેટા અનુસાર, પ્રથમ તબક્કામાં, ચીને પાકિસ્તાનને 251 વિદ્યાર્થીઓની યાદી આપી હતી, જેમાંથી 60 ટકા વિદ્યાર્થીઓ સુધી પહોંચી હતી. અખબારના જણાવ્યા અનુસાર મંત્રીએ અધિકારીઓને વિદ્યાર્થીઓ સુધી પહોંચવા માટે એક મિકેનિઝમ તૈયાર કરવા અને સંબંધિત ખર્ચ વહેંચીને તેમને નાણાકીય સહાય આપવાનો નિર્દેશ આપ્યો. આ મામલે પાકિસ્તાને ચીનની સરકારને પાકિસ્તાની વિદ્યાર્થીઓ અંગે વહેલી તકે નિર્ણય લેવાનો અનુરોધ પણ કર્યો છે.
આ પણ વાંચી શકો: પેરાશૂટ વિના 33 હજાર ફૂટની ઊંચાઈએથી પડીને પણ બચી ગઈ એર હોસ્ટેસ, ગિનિસ બુકમાં નોંધાયું નામ
આ પણ વાંચી શકો: Putin’s Protective Shield : જાણો પુતિનની સુરક્ષા કવચની સંભાળ કોણ રાખે છે
SHARE
