Kedarnath Weather : ચારધામ યાત્રા શરૂ થઈ ગઈ છે. ઉત્તરાખંડમાં ખરાબ હવામાનને કારણે ચાર ધામના યાત્રાળુઓને ભારે મુશ્કેલીનો સામનો કરવો પડી રહ્યો છે. મંગળવારે અધિકારીઓએ જણાવ્યું કે સતત હિમવર્ષા અને ખરાબ હવામાનને કારણે કેદારનાથ જનારા તીર્થયાત્રીઓની નોંધણી 3 મે સુધી સ્થગિત કરી દેવામાં આવી છે. ઉત્તરાખંડના ડીજીપી અશોક કુમારે જણાવ્યું કે કેદારનાથમાં ખરાબ હવામાનને કારણે તીર્થયાત્રીઓની નોંધણી 3 મે સુધી અટકાવી દેવામાં આવી છે. હૃદયની સમસ્યા અથવા શ્વસન સંબંધી સમસ્યાઓ ધરાવતા લોકોએ વધુ સાવચેત રહેવાની જરૂર છે. 11 હજાર ફૂટની ઉંચાઈ પર આવવા માટે વિશેષ કાળજી લેવી પડે છે.
યાત્રાળુઓની સુરક્ષા માટે કરવામાં આવી અપીલ
રુદ્રપ્રયાગ જિલ્લા મેજિસ્ટ્રેટ (DM) મયુર દીક્ષિતે જણાવ્યું હતું કે, “કેદારનાથમાં ખરાબ હવામાન અને હિમવર્ષાને કારણે કેદારનાથ માટે તીર્થયાત્રીઓની નોંધણી આવતીકાલે 3 મે સુધી રોકી દેવામાં આવી છે. નોંધણી અંગેનો નિર્ણય હવામાનની સ્થિતિને ધ્યાનમાં રાખીને લેવામાં આવશે. જિલ્લા મેજિસ્ટ્રેટે જણાવ્યું કે, સોમવારે હવામાન વિભાગે આગામી 2-3 દિવસ સુધી ઊંચા હિમાલયના વિસ્તારોમાં વરસાદ અને હિમવર્ષાને લઈને એલર્ટ જાહેર કર્યું છે. તમને જણાવી દઈએ કે ખરાબ હવામાનને જોતા કેદારનાથ ધામમાં આવનારા યાત્રિકોની સુરક્ષા માટે અપીલ કરવામાં આવી છે.
આ પણ વાંચો:Fruits Intake Tips : કોઈપણ સમયે ફળો ન ખાઓ, જાણો ફળો ખાવાની સાચી રીત? – INDIA NEWS GUJARAT
SHARE
