Future of AAP in Gujarat Election: શું ગુજરાતમાં આપની સાવરણી કરી શકશે ભાજપના સૂપડાં સાફ?
આમ આદમી પાર્ટી (AAP) એ દાવો કર્યો છે કે તેના આંતરિક સર્વેમાં જાણવા મળ્યું છે કે તે આ વર્ષે ડિસેમ્બરમાં યોજાનારી ગુજરાત વિધાનસભાની ચૂંટણીમાં લગભગ 58 બેઠકો જીતી શકે છે. AAPના રાજ્ય પ્રભારી ડૉ. સંદીપ પાઠકે સોમવારે જણાવ્યું હતું કે આ સર્વે પક્ષની પોતાની એજન્સી દ્વારા કરવામાં આવ્યો હતો.સર્વે અનુસાર, પાર્ટીને કોંગ્રેસથી અસંતુષ્ટ ગ્રામીણ મતદારો અને શહેરી વિસ્તારોમાં નીચલા અને મધ્યમ વર્ગના મતદારોના મત મળવાની શક્યતા છે.
જાણો ડૉ. પાઠકનો મત
ડો.પાઠકે કહ્યું કે અમારા આંતરિક સર્વે મુજબ આજની સ્થિતિમાં અમે 58 બેઠકો જીતીશું. ગુજરાતના ગ્રામ્ય વિસ્તારના લોકો અમને મત આપી રહ્યા છે. શહેરી વિસ્તારોમાં નિમ્ન અને મધ્યમ વર્ગ પરિવર્તન ઈચ્છે છે અને તેઓ અમને મત આપશે. પંજાબમાં તાજેતરની ચૂંટણીમાં AAPની જંગી જીત માટે ડૉ.પાઠકને મહત્ત્વનું કારણ ગણી શકાય. પંજાબના રાજ્યસભાના સભ્ય પાઠકે કહ્યું કે ગ્રામીણ ગુજરાતના લોકોનો મત છે કે કોંગ્રેસ અહીં ભાજપને હરાવી શકશે નહીં. ગ્રામીણ ગુજરાતના કોંગ્રેસના મતદારો અમને મત આપી રહ્યા છે. આજે આ સ્થિતિ છે, અને હું અપેક્ષા રાખું છું કે જેમ જેમ સમય જશે અને ચૂંટણી નજીક આવશે તેમ અમારી સંખ્યા વધશે.
બીજેપીની ઈન્ટેલિજન્સ બ્રાન્ચના સર્વેમાં AAPને 55 સીટો મળી
તેમણે વધુમાં દાવો કર્યો હતો કે રાજ્યમાં ભાજપ સરકારની સ્ટેટ ઈન્ટેલિજન્સ વિંગ દ્વારા હાથ ધરવામાં આવેલા તાજેતરના સર્વેમાં AAPને 55 બેઠકો આપવામાં આવી રહી છે. અગાઉ, AAPના ગુજરાત એકમના પ્રમુખ ગોપાલ ઇટાલિયાએ એક પ્રેસ કોન્ફરન્સને સંબોધતા કહ્યું હતું કે તેમને આ ગુપ્તચર સર્વેક્ષણ રિપોર્ટ વિશે સૂત્રો પાસેથી જાણવા મળ્યું છે અને તેમની પાર્ટીના અનુમાનિત પ્રદર્શનથી ભાજપ ચોંકી ગયો છે.
આપનો રોડ શો મોદીના મોજા પર પડશે ભારી?
યોગાનુયોગ, AAP નેતા અને દિલ્હીના મુખ્ય પ્રધાન અરવિંદ કેજરીવાલ અને પંજાબના મુખ્ય પ્રધાન ભગવંત માન રવિવારે ગુજરાતની બે દિવસની મુલાકાતે આવ્યા હતા. આ દરમિયાન તેઓ રોડ શો સહિતના કેટલાક કાર્યક્રમોમાં સામેલ થયા હતા. સોમવારે AAPના રાજ્ય પ્રભારી બનેલા પાઠકે જણાવ્યું હતું કે તેમની પાર્ટી અહીં ટોચના સ્થાન માટે લડી રહી છે કારણ કે લોકો ભાજપ પાસેથી પરિવર્તન ઇચ્છે છે, જે અહીં છેલ્લા 27 વર્ષથી સત્તામાં છે.
ડો. પાઠકે દાવો કર્યો કે લોકો જાણે છે કે માત્ર AAP જ ભાજપને હરાવી શકે છે કોંગ્રેસને નહીં. કોંગ્રેસ હાલમાં રાજ્યની 182 સભ્યોની વિધાનસભામાં મુખ્ય વિરોધ પક્ષ છે.
આ પણ વાંચી શકો :PM GARIB KALYAN અન્ન યોજના વધુ છ મહિના માટે લંબાવવામાં આવી
આ પણ વાંચી શકો :Putin’s Protective Shield : જાણો પુતિનની સુરક્ષા કવચની સંભાળ કોણ રાખે છે
SHARE
