ભારતીય ટીમનો અનુભવી બેટ્સમેન વિરાટ કોહલી હાલમાં ટીમ ઈન્ડિયામાંથી બહાર છે. તેણે બીસીસીઆઈને વિનંતી કરી હતી કે તેને ઈંગ્લેન્ડ સામેની બે ટેસ્ટ મેચમાંથી રજા આપવામાં આવે. તેની વાત સાથે સહમત થતા બીસીસીઆઈએ તેને પ્રથમ બે ટેસ્ટમાંથી મુક્ત કરી દીધો હતો. જોકે, વિરાટ કોહલીએ તેની રજાનું કારણ જણાવ્યું નથી. હવે આ મામલે એક મોટા સમાચાર સામે આવ્યા છે. કોહલીના ખાસ મિત્ર અને RCBના પૂર્વ ખેલાડીએ વિરાટ કોહલીએ શા માટે રજા લીધી તે અંગે મોટો ખુલાસો કર્યો છે.
શું વિરાટ બીજી વખત પિતા બનશે?
વિરાટ કોહલી અને તેની પત્ની અનુષ્કા શર્મા બીજી વખત માતા-પિતા બનવા જઈ રહ્યા છે. તમને જણાવી દઈએ કે અનુષ્કા શર્મા બીજી વખત માતા બનવા જઈ રહી છે. જેના કારણે વિરાટ કોહલી પોતાના પરિવાર સાથે સમય વિતાવી રહ્યો છે. આ ખુલાસો બીજા કોઈએ નહીં પણ વિરાટના મિત્ર એબી ડી વિલિયર્સે કર્યો છે. ડી વિલિયર્સે તેની યુટ્યુબ ચેનલ પર આ વાતનો ખુલાસો કર્યો છે. તેણે કહ્યું કે વિરાટ કોહલી અને અનુષ્કા શર્મા તેમના બીજા બાળકના માતા-પિતા બનવા જઈ રહ્યા છે, તેથી વિરાટ હાલમાં તેના પરિવાર સાથે સમય વિતાવી રહ્યો છે.
SHARE
