ગુનામાં 27 ડિસેમ્બરની રાત્રે બસ અને ડમ્પર વચ્ચે સામસામે ટક્કર થઈ હતી. આ ભયાનક અકસ્માતમાં 15 લોકો જીવતા દાઝી ગયા હતા. અકસ્માત થયો ત્યારે બસમાં 40 જેટલા લોકો સવાર હતા. બસના કાચ તોડીને 25 જેટલા લોકોએ પોતાનો જીવ બચાવ્યો હતો.
વળતરની જાહેરાત
સીએમ ડો. મોહન યાદવે આ દુર્ઘટના પર શોક વ્યક્ત કર્યો છે. તેમણે બસ અકસ્માતની તપાસના આદેશ આપ્યા હતા. મુખ્યમંત્રી યાદવે મૃતકોને 4 લાખ રૂપિયા અને ઘાયલોને 50-50 હજાર રૂપિયાની આર્થિક સહાયની જાહેરાત કરી છે. સીએમએ કહ્યું કે ઘટનાના તમામ મુદ્દા પર તપાસ કરવામાં આવશે. તેમણે કહ્યું કે આવા અકસ્માતો ફરી ન બને તે માટે પરિવહન વિભાગના અધિકારીઓને સૂચના આપવામાં આવી છે.
કેવી રીતે થયો અકસ્માત?
મળતી માહિતી મુજબ, બસ નંબર MP08P0199 ગુનાથી 27 ડિસેમ્બરે રાત્રે લગભગ 8:30 વાગ્યે હારોન માટે રવાના થઈ હતી. લગભગ 25 મિનિટ પછી, બજરંગગઢ પોલીસ સ્ટેશનથી 5 કિમી પહેલાં, તે એક ઝડપી ડમ્પર સાથે અથડાઈ. આ અકસ્માત એટલો ભયંકર હતો કે ટક્કર થતાં જ બસ પલટી ગઈ અને આગની લપેટમાં આવી ગઈ. ચારેબાજુ ચીસો પડી રહી હતી. લોકો કંઈ સમજે ત્યાં સુધીમાં આગએ વિકરાળ સ્વરૂપ ધારણ કરી લીધું હતું. આ હ્રદયદ્રાવક અકસ્માતમાં તે જ ક્ષણે 15 લોકો જીવતા દાઝી ગયા હતા.
SHARE
