કર્ણાટકમાં 10મી મેના રોજ ચૂંટણી યોજાવાની છે, આવી સ્થિતિમાં તેમણે કર્ણાટકના દરેક ખૂણે-ખૂણે જનસભાને સંબોધિત કરવાથી લઈને રોડ શો કરવા સુધી કર્ણાટકની જનતા સાથે સંપર્ક સ્થાપિત કરવાના તમામ શક્ય પ્રયાસો કર્યા. આવી સ્થિતિમાં કર્ણાટક ચૂંટણી પ્રચારના છેલ્લા દિવસે અમિત શાહે કેટલાક મોટા દાવા કર્યા છે. શાહનું કહેવું છે કે મેં કર્ણાટકના તમામ વિસ્તારોની મુલાકાત લીધી છે. છેલ્લી ચૂંટણીની સરખામણીએ તમામ પ્રદેશોમાં ભાજપ તરફ વલણ, ઉત્સાહ અને સમર્થન ખૂબ જ મોટું છે.. ભાજપ ત્યાં પૂર્ણ બહુમતી સાથે સરકાર બનાવશે.
ધર્મના આધારે અનામત અંગે અમિત શાહ કહે છે, “4% મુસ્લિમ આરક્ષણ અમારી પાર્ટીએ નાબૂદ કરી દીધું છે કારણ કે તે ગેરબંધારણીય હતું. આપણા બંધારણમાં ધર્મના આધારે આરક્ષણની કોઈ જોગવાઈ નથી. કોંગ્રેસે તુષ્ટિકરણની નીતિ હેઠળ આ મુસ્લિમ આરક્ષણ આપ્યું હતું, જેને અમે હટાવી દીધું છે.
શાહે વધુમાં જણાવ્યું હતું કે “અમે આરક્ષણની અંદર ખૂબ જ સમજી વિચારીને આરક્ષણ કર્યું છે… અમે અનુસૂચિત જનજાતિ માટેના આરક્ષણમાં અનામતની કેટલીક મર્યાદાઓ નક્કી કરી છે. કોંગ્રેસ તેને હટાવવા માંગે છે, પરંતુ હું સ્પષ્ટ કરવા માંગુ છું કે SC અનામતની અંદર રહેલી અનામતને દૂર કરવામાં આવશે નહીં.
કોંગ્રેસ પર નિશાન સાધતા શાહે કહ્યું,
“હું એટલું જ કહેવા માંગુ છું કે જો તમે મુસ્લિમ અનામતને 4% થી વધારીને 6% કરવા માંગતા હોવ તો કોંગ્રેસ પાર્ટીએ સ્પષ્ટ કરવું જોઈએ કે તેઓ કોને ઘટાડશે. ઓબીસી, એસસી, એસટી, લિંગાયત કે વોકલિંગ, તેઓ કોને ઘટાડશે?
આ પણ વાંચો : NSA Meetings:ચાર દેશ એક અદ્ભુત પ્રોજેક્ટ પર મળીને કામ કરી રહ્યા છે, ચીન જાણીને ચોંકી ગયું – INDIA NEWS GUJARAT.
SHARE
