લાંબી ચર્ચા બાદ બુધવારે લોકસભામાં મહિલા આરક્ષણ બિલ પસાર કરવામાં આવ્યું હતું. મહિલા અનામત બિલની તરફેણમાં 454 વોટ પડ્યા હતા. આ બિલ લોકસભામાં બે તૃતિયાંશ બહુમતી સાથે પસાર કરવામાં આવ્યું છે. બિલ પાસ થયા બાદ હવે લોકસભા અને વિધાનસભામાં 33 ટકા સીટો મહિલાઓ માટે અનામત રહેશે. મતલબ કે લોકસભા અને વિધાનસભાના દર ત્રીજા સભ્ય એક મહિલા હશે.
લાંબી લડાઈ પૂરી થઈ – શાહ
લોકસભામાં મહિલા અનામત બિલ પર ચર્ચા દરમિયાન Union Home Minister Amit Shah કહ્યું કે, આવતીકાલનો દિવસ ભારતીય સંસદના ઈતિહાસમાં સુવર્ણ અક્ષરે લખવામાં આવશે. ગઈકાલે વર્ષોથી પેન્ડિંગ રહેલું મહિલાઓને અધિકાર આપવાનું બિલ ગૃહમાં રજૂ કરવામાં આવ્યું હતું. હું વડાપ્રધાન નરેન્દ્ર મોદીનો આભાર માનું છું. તેઓ વધુમાં કહે છે કે, આ બિલ પસાર થવાથી મહિલાઓના અધિકારો માટેની લાંબી લડાઈનો અંત આવશે. G20 દરમિયાન વડાપ્રધાન મોદીએ સમગ્ર વિશ્વ સમક્ષ મહિલાઓના નેતૃત્વમાં વિકાસનું વિઝન રજૂ કર્યું હતું.
SHARE
