માધાપર village દુનિયાનું સૌથી ધનિક ગામ ગણાય
જ્યારે ભારતીય ગામની વાત આવે છે, ત્યારે ભૂતકાળના વિસ્તારનું ચિત્ર આપણા મગજમાં આવે છે. એવી જગ્યા જ્યાં લોકોને પ્રાથમિક સુવિધાઓ પણ નથી. પરંતુ, આજે અમે તમને આ દેશના એક એવા ગામ વિશે જણાવીશું, જ્યાં સ્કૂલ, કોલેજથી લઈને મોટી બેંકો છે. એટલું જ નહીં માધાપર નામનું આ ગામ દુનિયાનું સૌથી ધનિક ગામ પણ ગણાય છે.
શહેરો પણ સુવિધાઓમાં પાછળ રહી જાય ગામની બહાર રહેતા લોકોએ તેમના ગામનું આખું ચિત્ર બદલી નાખ્યું. જેનું પરિણામ એ છે કે આજે માધાપર ગામ સુવિધાઓની બાબતમાં અનેક શહેરો કરતા આગળ જોવા મળે છે. સારી શાળાઓ, કોલેજો, ગૌશાળાઓ, આરોગ્ય કેન્દ્રો, કોમ્યુનિટી હોલ અને પોસ્ટ ઓફિસ જેવી જરૂરી દરેક વસ્તુ અહીં ઉપલબ્ધ છે. આ લોકોએ પણ તળાવો, ડેમ અને કૂવાઓને સારી રીતે રાખ્યા છે.
લગભગ ૧ લાખની વસ્તીવાળા ગામમાં ૧૭ બેંક
ગુજરાતના કચ્છ જિલ્લામાં આવેલું માધાપર ગામ અન્ય ગામોથી ઘણી રીતે અલગ છે. અહીં કુલ ૭૬૦૦ મકાનોમાં લગભગ ૩૨ હજાર જેટલા લોકો રહે છે. જેઓ આર્થિક રીતે ખૂબ જ જાગૃત છે. આ જ કારણ છે કે અહીં કુલ ૧૭ બેંક છે. આ બેંકોમાં ગ્રામજનોની લગભગ પાંચ હજાર કરોડ રૂપિયાની થાપણો છે.
ગામની વસ્તીના હિસાબે કુલ રકમની સરેરાશ ગણતરી કરવામાં આવે તો દરેક વ્યક્તિના ખાતામાં લગભગ 15 લાખ રૂપિયા જેટલા તો જમા હશે જ . આ જ કારણ છે કે આ ગામને માત્ર ભારતમાં જ નહીં પરંતુ વિશ્વનું સૌથી ધનિક ગામ માનવામાં આવે છે.-India News Gujarat
માધાપર ગામ આટલું સમૃદ્ધ કેવી રીતે બન્યું?
આ ગામના અડધાથી વધુ લોકો યુનાઇટેડ કિંગડમ, યુનાઇટેડ સ્ટેટ્સ ઑફ અમેરિકા, આફ્રિકા અને ગલ્ફ દેશોમાં રહે છે અને કામ કરે છે. જો કે ગામથી દૂર હોવા છતાં આ લોકોએ પોતાનું ગામ મનથી તો છોડ્યું જ નહોતું, લાગણીથી તો ગામથી જોડાયેલા જ હતા.
ત્યારે વર્ષ ૧૯૬૮ માં લંડનના લોકોએ માધાપર વિલેજ એસોસિએશન નામની સંસ્થા બનાવી. તેનો હેતુ દેશની બહાર રહેતા ગ્રામજનોને જોડવાનો હતો, જેથી આ લોકો એકબીજા સાથે જોડાયેલા રહે અને ગામમાં હાજર બેંકોમાં તેમના પૈસા જમા કરાવે. તે પણ રસપ્રદ છે કે ગામથી દૂર રહેવા છતાં, આ લોકોએ તેમના ખેતરો વેચ્યા નહીં. ગામડાના લોકો તેમની સંભાળ રાખે છે.-India News Gujarat
SHARE
