વંદે ભારત સ્લીપર ટ્રેન બાદ ભારતીય રેલ્વે ટૂંક સમયમાં વંદે મેટ્રો ટ્રેન ગિફ્ટ કરવા જઈ રહી છે. પ્રાપ્ત માહિતી અનુસાર, આવતા મહિને વંદે ભારત સ્લીપર ટ્રેનની ટ્રાયલ રન શરૂ કર્યા પછી, રેલ્વે આ વર્ષે જુલાઈમાં આ ટૂંકા અંતરની વંદે મેટ્રો ટ્રેનની ટ્રાયલ રન પણ શરૂ કરશે. જ્યારે વંદે ભારત સ્લીપર ટ્રેનો એક હજાર કિલોમીટરથી વધુના અંતરને આવરી લેતા રૂટ પર દોડશે, ત્યારે વંદે મેટ્રો ટ્રેનો ઇન્ટરસિટી ટ્રેનોની લાઇન પર 100-250 કિલોમીટરના રૂટ પર બે મોટા શહેરોને જોડશે.
રેલવે અધિકારીઓના જણાવ્યા અનુસાર, ‘વંદે મેટ્રો ટ્રેન લગભગ 124 શહેરોને જોડશે. આમાંથી કેટલાક ઓળખાયેલા રૂટમાં લખનૌ-કાનપુર, આગ્રા-મથુરા, દિલ્હી-રેવાડી, ભુવનેશ્વર-બાલાસોર અને તિરુપતિ-ચેન્નઈ આ સિવાય બિહારના ભાગલપુર અને પશ્ચિમ બંગાળના હાવડા વચ્ચે વંદે મેટ્રો ટ્રેન દોડવાના સમાચાર છે.
વંદે મેટ્રો ટ્રેન સંપૂર્ણપણે એસી હશે
હાલના રેલ્વે ટ્રેક પર ચાલતી આ એસી ટ્રેનો મોટા શહેરો વચ્ચેના મુસાફરોની જરૂરિયાતો પૂરી કરશે અને અનરિઝર્વ્ડ કેટેગરીમાં વધુ મુસાફરોને લઈ જશે. મીડિયા રિપોર્ટ્સ અનુસાર, પહેલી વંદે મેટ્રો ટ્રેન મે સુધીમાં તૈયાર થઈ જશે અને જુલાઈથી તેની ટ્રાયલ રન ટ્રેક પર શરૂ થશે. આ સંપૂર્ણ વાતાનુકૂલિત વંદે મેટ્રો મહત્તમ 130 કિલોમીટર પ્રતિ કલાકની ઝડપે મુસાફરી કરી શકશે. તેના દરેક કોચમાં 280 લોકો મુસાફરી કરી શકે છે, જેમાં 100 લોકો માટે બેઠક વ્યવસ્થા હશે, જ્યારે 180 લોકો ઉભા રહીને મુસાફરી કરી શકશે.
SHARE
