SMC Bills- SMC દ્વારા એક જ મહિનામાં 400 કરોડથી વધુના બિલોની ચૂકવણી-India News Gujarat
- કેપિટલ પ્રોજેક્ટો માત્ર કાગળ પર ન રહી જાય તે માટે સ્થાયી સમિતિ અધ્યક્ષ દ્વારા અત્યારથી જ તમામ વિભાગોની વિવિધ બેઠકોનો પ્રારંભ કરી દેવાયો છે અને પ્રોજેક્ટો માટે ચોક્કસ સમયની ફાળવણી કરવામાં આવી છે
- નાણાકીય વર્ષ(Financial Year ) – 2021-22ને પૂર્ણ થવાને આડે માત્ર ત્રણ દિવસ બાકી છે .
- SMC દ્વારા મિલકતવેરા સહિત અન્ય ટેક્સની(Tax ) વસૂલાત પઠાણી રીતે કરવામાં આવી રહી છે .
- બીજી બાજુ SMC કેપિટલ ખર્ચનો આંકડો 1500 કરોડને પાર કરે તેવી શક્યતા છે .
- અત્યાર સુધી 1400 કરોડ રૂપિયાનો કેપિટલ ખર્ચ ચૂકવી દેવાયો છે જ્યારે હજુ 100 થી 150 કરોડ રૂપિયાના બિલોની ચૂકવણી બાકી છે .
- ગતવર્ષે કોવિડને કારણે વિવિધ પ્રોજેક્ટની કામગીરી ઠપ થઇ જતાં 1279 કરોડ રૂપિયાનો કેપિટલ ખર્ચ થઇ શક્યો હતો
- તેમાંય કોવિડની પ્રથમ લહેર પૂર્ણ થતાં નવેમ્બરથી માર્ચ સુધીના પાંચ માસમાં જ શહેરમાં કેપિટલ પ્રોજેક્ટોની કામગીરીમાં આવી શકી હતી .
- વર્ષ 2021-22 માં 3020 કરોડના કેપિટલ ખર્ચમાં ઘટાડો કરી રિવાઇઝ બજેટમાં 2020 કરોડની જોગવાઇ સૂચિત કરવામાં આવી છે .
SMC દ્વારા કેપિટલ પ્રોજેક્ટો પાછળ 1400 કરોડનો ખર્ચ કરાયો છે
- અત્યાર સુધી SMC દ્વારા કેપિટલ પ્રોજેક્ટો પાછળ 1400 કરોડનો ખર્ચ કરાયો છે અને બાકી રહેલ ત્રણ દિવસમાં 100-125 કરોડના બિલોની ચૂકવણી થવાની શક્યતા છે .
- આમ રિવાઇઝ બજેટની તુલનામાં પણ ખરેખર કેપિટલ ખર્ચમાં 500 કરોડ જેટલો ઘટાડો શક્ય લાગી રહ્યો છે .
- વર્ષ 2022-23 માટે SMC દ્વારા જંગી જોગવાઇ કેપિટલ પ્રોજેક્ટો માટે કરવામાં આવી છે .
- કેપિટલ પ્રોજેક્ટો માત્ર કાગળ પર ન રહી જાય તે માટે સ્થાયી સમિતિ અધ્યક્ષ દ્વારા અત્યારથી જ તમામ વિભાગોની વિવિધ બેઠકોનો પ્રારંભ કરી દેવાયો છે અને પ્રોજેક્ટો માટે ચોક્કસ સમયની ફાળવણી કરવામાં આવી છે .
- આ સ્થિતિમાં વર્ષ 2022-23 માં કેપિટલ પ્રોજેક્ટો પાછળ 2000 કરોડનો ખર્ચ ન થાય તો જ નવાઇ કહેવાશે.
- વિધાનસભાની ચુંટણીના પડઘમ વચ્ચે આ વર્ષે પણ પાલિકા દ્વારા બજેટમાં કોઈપણ પ્રકારના કર દરમાં વધારો કરવાનું જોખમ ટાળવામાં આવ્યું છે.
- જેને પગલે સતત ઘટતી આવક સામે વધી રહેલા ખર્ચને પહોંચી વળવા માટે શાસકો દ્વારા નવતર પ્રયોગ પણ હાથ ધરવામાં આવશે.
- જેમાં શહેરના વિવિધ ક્ષેત્રના નામાંકિત નિષ્ણાંતોની નિમણૂંક કરીને આવક સમિક્ષા કમિટિની રચના કરવામાં આવનાર છે.
- આવક સમીક્ષા કમિટિ SMC તમામ રેવન્યુ અને કેપિટલ આવક સામે ખર્ચના સરવૈયાનું વિશ્લેષણ અને મુલ્યાંકન કરીને આવક વધારવા માટેનું આયોજન હાથ ધરશે.
- જેમાં SMC દ્વારા જાહેરાત સહિતના અન્ય સ્ત્રોત થતી આવક વધારવા માટેના પ્રયાસો કરવામાં આવશે.
તમે પણ આ વાંચી શકો છો –
Surat Police CCTV- 595 નવા સીસીટીવી લગાડવાની તૈયારી
તમે પણ આ વાંચી શકો છો –
Notice to School in Surat-52 ખાનગી શાળાઓને નોટિસ ફટકારાતા સંચાલકોમાં રોષ
SHARE
