Rammandir Made Of Silver : દક્ષિણ ભારતના કારીગરોએ બે મહિનાની મહેનત બાદ અયોધ્યામાં નિર્માણાધીન મંદિરની પ્રતિકૃતિ બનાવી
5 કિલો ચાંદીમાં બનાવાયું રામમંદિર
સુરત. સમુદ્ધિ સિલ્વર અને વી નવીનચંદ્ર હીરાચંદજી મલજી જ્વેલર્સે સુરતના લોકોને અયોધ્યામાં નિર્માણાધીન શ્રી રામ મંદિરની ચાંદીની પ્રતિકૃતિ રજૂ કરી છે. અમિષ મલજી અને હૃદય મલજીએ કહ્યું કે અયોધ્યામાં શ્રી રામ મંદિરની પ્રતિષ્ઠા 22 જાન્યુઆરીએ વડાપ્રધાન નરેન્દ્ર મોદીના હસ્તે થવા જઈ રહ્યો છે. આ અવસર આપણા બધા માટે ઐતિહાસિક અને ગર્વનો દિવસ છે. તેથી જ અમને લાગ્યું કે આ પ્રસંગે કંઈક નવું કરવું જોઈએ. તેથી અમે વિચાર્યું કે અમારી સમુદ્ધિ ચાંદીનો શોરૂમ છે અને તેમાંથી પ્રેરણા મેળવીને ચાંદીમાંથી ભગવાન રામનું મંદિર બનાવવાનું નક્કી કર્યું. આજે શ્રી રામ મંદિર 5 કિલો ચાંદીમાં તમારા બધાની સામે રજુ કરવામાં આવ્યું છે. આ મંદિર બનાવવા માટે ખાસ કરીને દક્ષિણ ભારતના કારીગરોની મદદ લેવામાં આવી હતી. બે મહિનાની મહેનત બાદ આ અદ્ભુત આર્ટવર્ક તૈયાર કરવામાં આવ્યું છે. અયોધ્યામાં બની રહેલા રામ મંદિરની જેમ મંદિર પણ ચાંદીમાં બનાવવામાં આવ્યું છે.
શ્રી રામ મંદિરની તસવીર જોઇને બનાવા માં આવ્યું મંદિર
અગાઉ અમે અમારા શોરૂમમાં જૈન ધર્મની ઘણી મૂર્તિઓ બનાવતા હતા. અમારા શો રૂમમાં 24 તીર્થંકરોની મૂર્તિઓ છે અને ભગવાન પાર્શ્વનાથ શંખેશ્વરનું મંદિર ચાંદીમાં બનેલું છે.અમારી પાસે કારીગરો હતા પણ અમે વિચારતા હતા કે રામ મંદિરમાં શું બનાવી શકાય. અયોધ્યામાં બની રહેલા શ્રી રામ મંદિરની તસવીર મંગાવીને કારીગરોને બતાવવામાં આવી હતી. એ જ કારીગરો સાથે ચાંદીમાં શ્રી રામ મંદિરની નાની સાઇઝની પ્રતિકૃતિ ડિઝાઇન કરવાનો નિર્ણય લેવામાં આવ્યો. આ પ્રતિકૃતિ અમારા શોરૂમમાં અત્યાર સુધીના સૌથી મોટા કદમાં લગભગ 5 કિલો વજનની શુદ્ધ ચાંદીમાં બનાવવામાં આવી છે.
ડિઝાઇન તૈયાર થયા પછી કારીગરો સાથે સંકલન
- અમિષ મલજી અને હૃદય મલજીએ જણાવ્યું હતું કે બે મહિનાની મહેનત બાદ આ અદ્દભૂત પ્રતિકૃતિ બનાવવામાં આવી છે.સૌ પ્રથમ તો કારીગરો માટે ડિઝાઇનિંગ ખૂબ જ જરૂરી હતું.
- મંદિરને નાની સાઈઝમાં ચાંદીમાં બનાવવા માટે નાની-નાની બાબતો પર સંપૂર્ણ ધ્યાન આપવું પડતું હતું.
- ઉદાહરણ તરીકે, રામ લલ્લાની મૂર્તિ, ગર્ભગૃહ, સ્તંભો, ગુંબજ, સીડીઓ અને મંદિરની બાહ્ય ડિઝાઇનની 3D ડિઝાઇન લેવામાં આવી હતી અને તેનું માપન કરવામાં આવ્યું હતું.
- ડિઝાઇન તૈયાર થયા પછી કારીગરો સાથે સંકલન કરીને ચોક્કસ પ્રતિકૃતિ બનાવી શકાતી હતી.
- ચાંદીથી બનેલા આ મંદિરમાં ખૂબ જ નાનું કામ કરવામાં આવ્યું છે.
- આ પ્રતિકૃતિનું નિરીક્ષણ કર્યા પછી જ તમને ખબર પડશે કે કારીગરોએ આ પ્રતિકૃતિમાં કેટલી નાની-નાની વસ્તુઓને બારીકાઈથી સમાવી છે.
તમે આ પણ વાચી શકો છો :
તમે આ પણ વાચી શકો છો :
Valsad To Ayodhya On Cycle: ઓયોધ્યાના રામલલ્લાના દર્શન કરવા 3 યુવકો નીકળ્યા સાયકલ પર
SHARE
