Mission Gujarat-2022
ઈન્ડિયા ન્યૂઝ, નવી દિલ્હી: Mission Gujarat-2022: ગુજરાત ચૂંટણીની તારીખો બપોરે 12 વાગ્યે જાહેર કરવામાં આવશે. ચૂંટણી પંચ દિલ્હીના રંગ ભવન ઓડિટોરિયમમાં પ્રેસ કોન્ફરન્સ કરવા જઈ રહ્યું છે. તારીખોની જાહેરાત સાથે જ સમગ્ર રાજ્યમાં આદર્શ આચારસંહિતાનું જાહેરનામું બહાર પાડવામાં આવશે.
1 અથવા 2 ડિસેમ્બરે પહેલો તબક્કો, 5 ડિસેમ્બરે બીજો તબક્કો
Mission Gujarat-2022: 2017માં અપનાવવામાં આવેલી પરંપરાને ટાંકીને ચૂંટણી પંચે આ મહિનાની શરૂઆતમાં હિમાચલ પ્રદેશની ચૂંટણીની તારીખો સાથે ગુજરાતની ચૂંટણીની જાહેરાત કરી ન હતી. ગુજરાત વિધાનસભાની ચૂંટણીઓ બે તબક્કામાં યોજાશે. પહેલા તબક્કાનું મતદાન 1 અથવા 2 ડિસેમ્બરે યોજાશે તો બીજા તબક્કાનું મતદાન 5મી ડિસેમ્બરે યોજાવાની સંભાવનાઓ છે. જ્યારે મતગણતરી હિમાચલ પ્રદેશની સાથે જ એટલે કે 8મી ડિસેમ્બરે યોજાશે. India News Gujarat
મતગણતરી 8 ડિસેમ્બરે યોજાશે
Mission Gujarat-2022: આપને જણાવી દઈએ કે હિમાચલ પ્રદેશમાં 12 નવેમ્બરે એક જ તબક્કામાં મતદાન થશે. 8મી ડિસેમ્બરે મતગણતરી હાથ ધરાશે. ચૂંટણી પંચે સ્પષ્ટ સંકેત આપ્યો હતો કે હિમાચલ પ્રદેશની મતગણતરી મતદાનના લગભગ એક મહિના બાદ રાખી ગુજરાત માટે પણ મતગણતરી 8 ડિસેમ્બરે થશે. 2017માં પણ બંને રાજ્યોમાં અલગ-અલગ તારીખે ચૂંટણીની જાહેરાત કરવામાં આવી હતી, પરંતુ મતગણતરી એક સાથે 18 ડિસેમ્બરે થઈ હતી. ચૂંટણી પંચની વેબસાઈટ અનુસાર, ગુજરાત અને હિમાચલ પ્રદેશમાં વિધાનસભાની ચૂંટણીઓ 1998, 2007 અને 2012માં એક સાથે યોજાઈ હતી. અત્રે નોંધનીય છે કે 182 સભ્યોની ગુજરાત વિધાનસભાનો કાર્યકાળ 18 ફેબ્રુઆરી, 2023 ના રોજ સમાપ્ત થાય છે. India News Gujarat
Mission Gujarat-2022:
આ પણ વાંચોઃ Morbi accident , મોરબી અકસ્માતની આવી 10 ભૂલો – INDIA NEWS GUJARAT
SHARE
