Mission Gujarat-2022
ઈન્ડિયા ન્યૂઝ, નવી દિલ્હી: Mission Gujarat-2022: ગુજરાત વિધાનસભાની ચૂંટણીની તૈયારીઓ શરૂ થવાના સંકેત દેખાઈ રહ્યા છે. અહેવાલ છે કે વડાપ્રધાન નરેન્દ્ર મોદી આ મહિનાના અંત સુધીમાં ગૃહ રાજ્યની મુલાકાત લઈ શકે છે. એવું કહેવામાં આવી રહ્યું છે કે આ દરમિયાન તેઓ ઘણા રાજકીય કાર્યક્રમોમાં ભાગ લેશે. તેમના સિવાય કેન્દ્રીય ગૃહમંત્રી અમિત શાહ પણ આ સપ્તાહના અંત સુધીમાં ગુજરાત પહોંચે તેવી શક્યતા છે. India News Gujarat
વડાપ્રધાન નરેન્દ્ર મોદી જશે ગુજરાત
Mission Gujarat-2022: અત્યંત આધારભૂત સૂત્રોના જણાવ્યા પ્રમાણે, વડાપ્રધાન મોદી આ મહિનાની 19મીએ ગુજરાતની બે દિવસની મુલાકાતે જઈ રહ્યા છે. જે દરમિયાન તેઓ વિવિધ સત્તાવાર અને રાજકીય કાર્યક્રમોમાં ભાગ લેશે. આ દરમિયાન તેઓ આદિવાસી જિલ્લો દાહોદનો પ્રવાસ કરશે, જ્યાં આદિવાસીઓના ઉત્થાન માટેની કેન્દ્ર અને રાજ્ય સરકારની વિવિધ યોજનાઓનું લોકાર્પણ ઉપરાંત વિશાળ જનસભાને સંબોધિત કરશે. આ ઉપરાંત વડાપ્રધાન નરેન્દ્ર મોદી જામનગનર પણ જવાના છે. જ્યાં તેઓ આયુર્વેદ ઔષધિ સેન્ટરનું ભૂમિપૂજન કરશે. અત્રે ઉલ્લેખનીય છે કે, હાલમાં જ WHO દ્વારા ભારતની આયુર્વેદ ઔષધિને વિશ્વભરમાં ઉપયોગ માટે માન્યતા આપી છે. અને તેના ભાગરૂપે જામનનગરની વિશ્વપ્રસિદ્ધ આયુર્વેદ યુનિવર્સિટી ખાતે આયુર્વેદ દવાઓના વિવિધ સંશોધન માટેના કેન્દ્રનું જે WHO અને કેન્દ્ર સરકાર દ્વારા ચલાવવામાં આવશે તેનું ભૂમિપૂજન કરશે. આ દિવસે તેઓ જામનગરમાં જાહેર સભાને પણ સંબોધન કરે એવી શક્યતાઓ છે. વડાપ્રધાન મોદી 11 માર્ચે પાંચ રાજ્યોની તાજેતરમાં પૂર્ણ થયેલી વિધાનસભા ચૂંટણી બાદ ગુજરાત પહોંચ્યા હતા. તે દરમિયાન તેણે ત્રણ રોડ શો પણ કર્યા. India News Gujarat
ભાજપની બાઇક રેલી શરૂ
Mission Gujarat-2022: અહીં ભાજપે મતદારો સુધી પહોંચવા માટે બાઇક રેલી શરૂ કરી છે. બુધવારે અમદાવાદથી શરૂ થયેલી આ રેલી રાજ્યની 90 વિધાનસભા બેઠકો સુધી પહોંચશે તેવા અહેવાલ છે. રાજ્યમાં કુલ 182 બેઠકો છે. ભાજપ યુવા મોરચાના રાષ્ટ્રીય અધ્યક્ષ તેજસ્વી સૂર્યાએ કહ્યું હતું કે રેલી દરમિયાન કાર્યકરો 20 દિવસમાં એક હજાર સ્વાતંત્ર્ય સેનાનીઓના પરિવારોને મળશે. India News Gujarat
કોંગ્રેસની ‘આઝાદી ગૌરવ યાત્રા’
Mission Gujarat-2022: અહીં કોંગ્રેસે પણ આઝાદીના 75મા વર્ષ નિમિત્તે બુધવારે ‘આઝાદી ગૌરવ યાત્રા’ શરૂ કરી છે. અહેવાલ છે કે આ દ્વારા કોંગ્રેસ ભારતના સ્વાતંત્ર્ય સંગ્રામ અને આઝાદી પછીના રાષ્ટ્ર નિર્માણમાં પોતાનું યોગદાન દર્શાવશે. કોંગ્રેસની આ મુલાકાતને પાર્ટીની વિધાનસભા ચૂંટણીની તૈયારીઓની શરૂઆત તરીકે પણ જોવામાં આવી રહી છે. India News Gujarat
AAP દ્વારા ફૂંકાઈ ચૂક્યું છે ચૂંટણીનું રણશીંગું
Mission Gujarat-2022:દરમિયાનમાં ભાજપ કોંગ્રેસની તૈયારીઓની વચ્ચે આમ આદમી પાર્ટી (AAP)ના રાષ્ટ્રીય કન્વીનર અને દિલ્હીના મુખ્યમંત્રી અરવિંદ કેજરીવાલ અને પંજાબના મુખ્યમંત્રી ભગવંત માને બીજી અને ત્રીજી એપ્રિલ દરમિયાન ગુજરાતમાં વિધાનસભાની ચૂંટણી માટેનું રણશીંગું ફૂંકી દીધું છે. આ બન્ને નેતાઓએ 2 એપ્રિલે અમદાવાદમાં એક રોડ શો યોજ્યો હતો. જેમાં ઉપસ્થિત જનમેદનીને જોઈને અરવિંદ કેજરીવાલ અને આમ આદમી પાર્ટીનો જોશ હાઈ હોવાનું ચર્ચાઈ રહ્યું છે. India News Gujarat
2017ની વિધાનસભા ચૂંટણીનું ગણિત
Mission Gujarat-2022: 2017ની વિધાનસભાની ચૂંટણીમાં ભાજપ માત્ર સીટોની સદી ફટકારી નહોતી શકી અને તે 99 બેઠકો જ જીતી શક્યું હતું. 182 બેઠકો ધરાવતા રાજ્યમાં ભાજપે 99 બેઠકો જીતી હતી. તે જ સમયે, 177 બેઠકો પર ઉતરેલી કોંગ્રેસને 77 બેઠકો પર વિજય મળ્યો હતો. રાજ્યમાં 58 બેઠકો પર દાવ લગાવનાર NCPના ખાતામાં એક બેઠક પણ આવી હતી. આ સિવાય બહુજન સમાજ પાર્ટી, CPI, CPMનો સફાયો થઈ ગયો હતો. BTPના ફાળે બે બેઠકો આવી હતી. India News Gujarat
ત્રીજો પક્ષ નથી ચાલ્યો ગુજરાતમાં
Mission Gujarat-2022: દરિમયાનમાં ગુજરાતના રાજકીય ઈતિહાસ પર નજર કરીએ તો રાજ્યમાં ત્રીજો પક્ષ કે મોરચો ક્યારેય સફળ થયો નથી. 1960માં ગુજરાતની સ્થાપના થઈ ત્યારથી લઈને 2017 સુધીમાં અનેક ત્રીજો પક્ષ કે મોરચો આવ્યા. પણ ગુજરાતની પ્રજાએ તેમનો હંમેશા અસ્વીકાર જ કર્યો છે. ગુજરાતમાં અનેક મોટા રાજકીય નેતાઓએ પોતાના પક્ષ રચ્યા પણ છેવટે તેઓ ભાજપ કે કોંગ્રેસમાં જ ભળી ગયા છે. એમાં સ્વ. મુખ્યમંત્રી ચીમનભાઈ પટેલ હોય કે પૂર્વ મુખ્યમંત્રી શંકરસિંહ વાઘેલાના જનતા દળ (ગુજરાત) અને રાષ્ટ્રીય જનતા પાર્ટી (રાજપા)નો સમાવેશ થાય છે. આ ઉપરાંત સ્વ. પૂર્વ મુખ્યમંત્રી કેશુભાઈ પટેલે ભાજપ સાથે છેડો ફાડીને શરૂ કરેલી ગુજરાત પરિવર્તન પાર્ટીનો પણ ઉદય થયો અને એક જ ચૂંટણી બાદ તેનો અસ્ત પણ થઈ ગયો અને આ આખી પાર્ટી ભાજપમાં ફરી સામેલ થઈ ગઈ. India News Gujarat
Mission Gujarat-2022
આ પણ વાંચોઃ ATM કાર્ડ યુગનો અંત આવશે! કાર્ડલેસ રોકડ ઉપાડની સુવિધા દરેક જગ્યાએ ઉપલબ્ધ હશે– INDIA NEWS GUJARAT
આ પણ વાંચોઃ Asaram Again In Headlines: आसाराम के आश्रम में खड़ी कार में मिला युवती का शव
SHARE
