Lost Man Found Dead : મૃતકના પરિવારે હત્યાની આશંકા વ્યક્ત કરી. મૂળ પંજાબનો યુવક સિક્યોરિટીનું કરતો હતો કામ.
પરિવારે હત્યાની આશંકા વ્યક્ત કરી
સુરતના ઈચ્છાપોરમાં રહીને સિક્યુરિટીમાં કામ કરતાં યુવકના મૃતદેહ મળી આવ્યો છે. 15 દિવસથી ગુમ 27 વર્ષીય યુવકનો કોહવાયેલી હાલતમાં મૃતદેહ મળી આવ્યો છે. જેથી પરિવારે હત્યાની આશંકા વ્યક્ત કરી છે. મૂળ પંજાબનો યુવક જોબનજીતસિંહ સિક્યોરિટીનું કામ કરતો હતો. ઝઘડા બાદ યુવકનો મૃતદેહ મળી આવતાં હત્યાની આશંકા વ્યક્ત કરાઈ રહી છે.
પોલીસે અમને કપડા સહિતની વસ્તુઓ આપી હતી
સિક્યુરિટીનું કામ કરીને સુરતમાં રહેતા યુવક છેલ્લા પંદર દિવસથી લાપત્તા હતો. પરિવાર અને સગા સંબંધી એને શોધવા પ્રયાસ કરતાં હતા. એ દરમ્યાન લાપત્તા યુવકની ડી કમ્પોઝ થયેલી બોડી કોસંબા નજીક થી મળી આવી હતી. સમગ્ર મામલે ગુરુનામસિંહએ કહ્યું કે. જ્યારે આ ઘટના બની તે જગ્યાએથી પોલીસે અમને કપડા સહિતની વસ્તુઓ આપી હતી. બાદમાં પોલીસે તેની સાથે કામ કરનારાના નિવેદન લીધા હતાં. મારા મારી સહિતના સીસીટીવી અમારી પાસે આવી ગયા હતાં. ત્યારબાદ તપાસ કરતાં તમામ વસ્તુઓ સામે આવી રહી છે. પોલીસ તપાસ ચાલી રહી છે. મૃતદેહ કોસંબાથી મળી આવ્યો હવે ત્યાં છેકથી કેમ મળ્યો તે તપાસનો વિષય છે. અમને પોલીસ પર પૂર્ણ શ્રદ્ધા છે.
Lost Man Found Dead : યોગ્ય તપાસ થાય અને હત્યારાઓને આકરામાં આકરી સજા મળે તે દિશામાં પ્રયાસ
વધુમાં સંબંધીઓ એ જણાવ્યું કે આ મામલામાં હત્યા થઈ હોય તેવું સીસીટીવીમાં સામે આવે છે. એ લોકોનું કહેવું છે કે તેણે નશો કર્યો હતો. પરંતુ હકીકત શું છે તે તો તપાસમાં જ સામે આવી શકે તેમ છે. જેથી આ કેસમાં યોગ્ય તપાસ થાય અને હત્યારાઓને આકરામાં આકરી સજા મળે તે દિશામાં પ્રયાસ કરવામાં આવે તે જરૂરી છે. જેથી પોલીસ અમને ન્યાય આપે તેવી માંગ અમારા પરિવારજનોની છે. તેમ વધુમાં મૃતકના પરિવારજનોએ માગ કરી છે.
તમે આ પણ વાચી શકો છો :
Parliament Election-2024: શું સોનિયા ગાંધી તેલંગાણામાંથી લોકસભા ચૂંટણી લડશે?
તમે આ પણ વાચી શકો છો :
Modi on Nehru: નેહરુ અને ઈન્દિરા પર નિશાન સાધ્યું
SHARE
