INDI Alliance Meet
ઈન્ડિયા ન્યૂઝ, નવી દિલ્હી: INDI Alliance Meet: કોંગ્રેસ અને સમાજવાદી પાર્ટી (SP)ના નેતાઓએ બુધવારે ઉત્તર પ્રદેશમાં બેઠકોની વહેંચણી પર વાતચીત કરી હતી. એ બીજી વાત છે કે કોઈ અંતિમ નિર્ણય લઈ શકાયો નથી. આ ચર્ચા કોંગ્રેસના નેતા મુકુલ વાસનિકના ઘરે થઈ હતી. વાસનિક પાર્ટીની સીટ શેરિંગ કમિટીના કન્વીનર પણ છે. કોંગ્રેસ તરફથી રાજસ્થાનના પૂર્વ મુખ્યમંત્રી અશોક ગેહલોત, પાર્ટીના વરિષ્ઠ નેતાઓ સલમાન ખુર્શીદ અને મોહન પ્રકાશ ચર્ચાનો ભાગ હતા. જ્યારે સપા તરફથી રામ ગોપાલ યાદવ અને જાવેદ અલી ખાન હાજર રહ્યા હતા.
અંતિમ નિર્ણય સુધી બધું અદ્ધરતાલ!
INDI Alliance Meet: ખુર્શીદે મીટિંગ બાદ પત્રકારોને કહ્યું, ‘જ્યાં સુધી અંતિમ નિર્ણય લેવામાં ન આવે ત્યાં સુધી અમે સંખ્યાઓ (સીટ વહેંચણીના સંદર્ભમાં) પર કંઈ કહી શકીએ નહીં. અમે આજે ખૂબ જ સારી ચર્ચા કરી. મને ઉત્તર પ્રદેશમાં વધુ સારા ગઠબંધનની આશા છે.” તેમણે કહ્યું, ‘અમે સપા સાથે વાત કરી છે અને અમારું ગઠબંધન સપા સાથે રહેશે. અમે એકબીજાને બધું જ વિગતવાર સમજાવ્યું અને બીજી બાજુ પણ સમજ્યા.’ ખુર્શીદે કહ્યું કે બંને પક્ષોએ એકબીજા સમક્ષ તેમની ઇચ્છા સૂચિ મૂકી છે અને દરેક બેઠકની વિગતો શેર કરવામાં આવી છે. કોંગ્રેસ આગામી લોકસભા ચૂંટણી માટે વિવિધ રાજ્યોમાં બેઠકોની વહેંચણીને લઈને વિરોધ પક્ષોના I.N.D.I.A ગઠબંધનના અનેક પક્ષો સાથે ચર્ચા કરી રહી છે.
INDI Alliance Meet:
આ પણ વાંચોઃ CM Gift Auction: મુખ્યમંત્રીને મળેલી ભેટની થશે હરાજી – India News Gujarat
SHARE
