Gujarat High Court Verdict
ઈન્ડિયા ન્યૂઝ, અમદાવાદ: Gujarat High Court Verdict: ગટરની સફાઈ માટે ગટરમાં નીચે ઉતરવા અંગે ભારે નારાજગી વ્યક્ત કરતા ગુજરાત હાઈકોર્ટે રાજ્ય સરકારને પૂછ્યું છે કે પ્રતિબંધ પછી પણ આ કુપ્રથા કેવી રીતે ચાલુ છે? ગુજરાત હાઈકોર્ટના એક્ટિંગ ચીફ જસ્ટિસ એ. જે. દેસાઈ અને જસ્ટિસ બિરેન વૈષ્ણવની ડિવિઝન બેન્ચે કહ્યું કે સફાઈની આ દુષ્ટ પ્રથા જલ્દી બંધ થવી જોઈએ. હવે જો મજૂરો દ્વારા ગટર સાફ કરવાનો મુદ્દો ક્યાંય આવશે તો આ માટે પાલિકાના પ્રમુખ સીધા જવાબદાર રહેશે. સરકારના ઠરાવ મુજબ 2014થી મેન્યુઅલ સફાઈ કામ બંધ છે. India News Gujarat
નહિ ચલાવી લેવાય બેદરકારી
Gujarat High Court Verdict: ખંડપીઠે કહ્યું કે આ ગેરરીતિ પર સંપૂર્ણ પ્રતિબંધ છે. તેથી જ સરકારે તેનો અમલ કરવો પડશે. હાઈકોર્ટ દ્વારા ગટર સફાઈ દરમિયાન મૃત્યુ પામેલા કામદારો. તેમના પરિવારજનોને વળતર ચૂકવવાનો આદેશ કર્યો છે. આ પછી હાઈકોર્ટે કહ્યું કે તે આ મામલે આગામી સુનાવણી 19 જૂને કરશે. એક NGO દ્વારા દાખલ કરવામાં આવેલી અરજી પર હાઈકોર્ટે આ કડકાઈ દર્શાવી હતી. NGOએ તેની અરજીમાં ઉલ્લેખ કર્યો હતો કે રાજ્યમાં પ્રતિબંધ પછી પણ ગટરમાં જઈને સફાઈ (મેન્યુઅલ સ્કેવેન્જિંગ) કરવામાં આવી રહી છે. અરજીમાં તાજેતરમાં સફાઈ કામદારોના મૃત્યુનો પણ ઉલ્લેખ કરવામાં આવ્યો હતો. આના પર હાઈકોર્ટે કડક શબ્દોમાં કહ્યું કે આવી બેદરકારી નહિ ચલાવી લેવાય.
કોન્ટ્રાક્ટરો પર દોષનો ટોપલો
Gujarat High Court Verdict: એડવોકેટ સુબ્રમણ્યમ ઐયર વતી જાહેર હિતની અરજીની સુનાવણી કરતી વખતે હાઈકોર્ટે નારાજગી વ્યક્ત કરી ત્યારે સરકાર વતી એવું કહેવામાં આવ્યું હતું કે રાજ્ય સરકાર અને મ્યુનિસિપલ વહીવટીતંત્ર હેઠળની સંસ્થાઓ ગટરોની સફાઈ માટે અદ્યતન ટેકનોલોજીનો ઉપયોગ કરે છે અને તે જ સમયે સફાઈ મેન્યુઅલ સફાઈ કામદારો દ્વારા કરવામાં આવે છે, પરંતુ ઘણી વખત કોન્ટ્રાક્ટરો મજૂરો દ્વારા કામ કરાવે છે. આ જવાબ સામે હાઈકોર્ટે નારાજગી વ્યક્ત કરી હતી. સરકાર વતી હાઈકોર્ટને જણાવવામાં આવ્યું હતું કે 152 મૃતકોમાંથી 137ના સ્વજનોને વળતર આપવામાં આવ્યું છે. તો બીજી તરફ સરકારની દલીલો પર એડવોકેટ સુબ્રમણ્યમ અય્યરે કહ્યું કે ગટરમાં સફાઈ કરવા પર પ્રતિબંધ છે. આમ છતાં કામદારો ગટરમાં ઉતરી જાય છે અને ઘણા મૃત્યુ પામે છે.
Gujarat High Court Verdict
આ પણ વાંચોઃ Atiq Ahmed Sabarmati Jail: અતીકે ક્યાં ચલાવ્યો બનારસી દાવ – India News Gujarat
આ પણ વાંચોઃ GSEB Result: કયા જિલ્લાએ મારી બાજી? – India News Gujarat
SHARE
