Gopal Italiya Controversy
ઈન્ડિયા ન્યૂઝ, ગાંધીનગર: Gopal Italiya Controversy: આમ આદમી પાર્ટીના પૂર્વ પ્રદેશ અધ્યક્ષ ગોપાલ ઈટાલિયા ફરી એકવાર મુશ્કેલીમાં ફસાયેલા જોવા મળી રહ્યા છે. સુરત ક્રાઈમ બ્રાન્ચે ભાજપના પ્રદેશ પ્રમુખ અને ગૃહ રાજ્યમંત્રી વિશે વિવાદાસ્પદ ટિપ્પણી કરવા બદલ ગોપાલ ઈટાલિયાની અટકાયત કરી હતી. શહેરના ઉમરા પોલીસ સ્ટેશનમાં નોંધાયેલી ફરિયાદના પગલે સુરત ક્રાઈમ બ્રાન્ચે આ કાર્યવાહી કરી હતી. ઈટાલીયા સામે આ ફરિયાદ સુરત ભાજપના કાર્યકર પ્રતાપભાઈ ચોવડિયાએ કરી છે. ચોવડિયા જ્વેલરી શોપના માલિક છે. તો બીજી તરફ સુરત ક્રાઈમ બ્રાન્ચ દ્વારા બીજી વખત કસ્ટડીમાં લેવામાં આવતા ઈટાલિયાએ પોતાની પ્રતિક્રિયા આપી હતી. ઇટાલિયાએ કહ્યું કે મનોબળ તોડવાનો પ્રયાસ કરવામાં આવી રહ્યો છે. India News Gujarat
ગયા વર્ષે ઉમરા પોલીસ સ્ટેશનમાં નોંધાયો હતો કેસ
Gopal Italiya Controversy: જાણકારી અનુસાર આ સમગ્ર મામલો સપ્ટેમ્બર 2022નો છે. આરોપ છે કે ગોપાલ ઈટાલિયાએ ગણેશ પંડાલમાં ભાજપના પ્રદેશ અધ્યક્ષ સી. આર. પાટિલ અને ગૃહ રાજ્ય મંત્રી હર્ષ સંઘવીને લઈને વિવાદાસ્પદ ટિપ્પણી કરી હતી. આરોપ છે કે ગોપાલ ઈટાલિયાએ અનેક પ્રેસ કોન્ફરન્સમાં સી. આર. પાટીલને પૂર્વ દારૂના દાણચોર કહ્યા હતા. એટલું જ નહીં, ગુજરાતના ગૃહ રાજ્યમંત્રી હર્ષ સંઘવીને ડ્રગ્સ સંઘવી ગણાવીને ટીપ્પણી કરી હતી. ઇટાલિયાની આ ટિપ્પણીઓ અંગે ચોવડિયાએ ઉમરા પોલીસ સ્ટેશનમાં ફરિયાદ નોંધાવી હતી. હવે ફરિયાદના આધારે સુરત ક્રાઈમ બ્રાન્ચે ઈટાલિયાની અટકાયત કરી હતી. ઈટાલિયાએ જ્યારે આ ટિપ્પણીઓ કરી ત્યારે તેઓ આમ આદમી પાર્ટી, ગુજરાતના પ્રદેશ અધ્યક્ષ હતા. ઈટાલિયા હાલમાં AAPના રાષ્ટ્રીય સંયુક્ત સચિવ છે. પાર્ટીએ તેમને ગુજરાતમાંથી હટાવીને મહારાષ્ટ્રના સહ-પ્રભારી બનાવ્યા છે.
વીડિયો થયો છે વાયરલ
Gopal Italiya Controversy: જેના આધારે ભાજપ કાર્યકર્તાએ AAP નેતા ગોપાલ ઈટાલિયા વિરુદ્ધ ફરિયાદ કરી છે. તેમાં 31 ઓગસ્ટ, 2022ની નોંધનો ખાસ ઉલ્લેખ કરવામાં આવ્યો છે. તેમાં કહેવામાં આવ્યું છે કે ઇટાલિયાએ ગણેશ પંડાલમાં ભાજપના પ્રદેશ અધ્યક્ષ સી. આર. પાટિલ અને ગૃહ રાજ્ય મંત્રી હર્ષ સંઘવી વિશે ટિપ્પણી કરી હતી. આ પછી આ વીડિયો ઘણો વાયરલ થયો હતો. ભાજપ કાર્યકરની ફરિયાદના આધારે ક્રાઈમ બ્રાન્ચ 3 સપ્ટેમ્બરથી મામલાની તપાસ કરી રહી છે. ચોવડિયાએ તેમની ફરિયાદમાં ફોજદારી માનહાનિનો આક્ષેપ કર્યો છે. આ કેસ ઉમરા પોલીસ સ્ટેશનમાં 469, 500, 504, 505(1)બી હેઠળ નોંધવામાં આવ્યો છે.
Gopal Italiya Controversy
આ પણ વાંચોઃ GOPAL ITALIYA – ગુજરાત AAP નેતા ગોપાલ ઈટાલિયાની ધરપકડ, કેજરીવાલે BJP પર નિશાન સાધ્યું- INDIA NEWS GUJARAT.
આ પણ વાંચોઃ Shah Rukh Khan: IPLની હાર ભૂલીને, સચિનના પુત્રના ડેબ્યૂ પર શાહરૂખ થયો ભાવુક – India News Gujarat
SHARE
