કોંગ્રેસને વધુ એક ફટકો : ધારાસભ્ય બ્રિજેશ મેરજાએ ધારાસભ્ય પદ પરથી રાજીનામું આપ્યું

રાજ્યસભાની ચૂંટણી પહેલા જોરદાર જોડતોડની રાજનીતી ચાલી રહી છે ત્યારે 2 દિવસમાં કોંગ્રેસના ત્રીજા ધારાસભ્યએ રાજીનામું આપ્યું છે. તો કોંગ્રેસના ધારાસભ્ય બ્રિજેશ મેરજાએ ધારાસભ્ય પદ પરથી રાજીનામું આપ્યું છે.. ઉલ્લેખનીય છે કે રાજ્યસભાની ચૂંટણીને લઈને જોરદાર રસાકસી ચાલી રહી છે. તો કોંગ્રેસના એક બાદ એક ધારાસભ્યોના રાજીનામાં ટપોટપ પડી રહ્યા છે. ઉલ્લેખનીય છે કે અગાઉ પાંચ ધારાસભ્યોએ રાજીનામાં આપ્યા હતા ત્યારે ગઈ કાલે ત્રણ અને આજે વધુ એક ધારાસભ્યએ રાજીનામું આપ્યું છે. મોરબી કોંગ્રેસના ધારાસભ્ય બ્રિજેશ મેરજાએ રાજીનામું આપ્યું છે. બ્રિજેશ મેરજાના રાજીનામાં બાદ કોંગ્રેસને વધુ એક ફટકો પડ્યો છે. જો કે હવે ત્રણ બેઠકો પર ભાજપની જીત થાય તેવી ભીતી સર્જાઈ છે..