100ft. Hoarding Collapsed In Mumbai : કરીબ કરીબ 14 લોગોના મૌત મૃતકોના પરિવારને 5 લાખ રૂપિયાની સહાય.
દુર્ઘટનામાં અત્યાર સુધીમાં 14 લોકોના મોત
મુંબઈમાં ધૂળની ડમરીના કારણે ઘાટકોપર વિસ્તારમાં હાઈવેની બાજુમાં એક મોટું હોર્ડિંગ પડ્યું હતું. આ દુર્ઘટનામાં અત્યાર સુધીમાં 14 લોકોના મોત થયા હોવાના અહેવાલ છે. 74થી વધુ લોકો ઘાયલ થયા હોવાના અહેવાલ છે.
74થી વધુ લોકો ઘાયલ થયા
બિઝનેસ સિટી મુંબઈના ઘાટકોપર વિસ્તારમાં સોમવારે ધૂળની ડમરીઓ ઉડી હતી, જેના કારણે એક મોટું 100 ફૂટનો હોર્ડિંગ પડી ગયું હતું. જેના કારણે 14 લોકોએ જીવ ગુમાવ્યા, જ્યારે 74થી વધુ લોકો ઘાયલ થયા હતા. NDRF દ્વારા આપવામાં આવેલી માહિતી અનુસાર, હોર્ડિંગ તૂટી પડવાની ઘટનામાં મૃત્યુઆંક વધીને 14 થઈ ગયો છે. કુલ 88 લોકોને અસર થઈ હતી જેમાંથી 74 લોકોને બચાવી લેવાયા હતા. NDRFની ટીમ ઘટનાસ્થળે હાજર છે અને બચાવ કામગીરી ચાલુ કરી હતી. અહીં મોટી સંખ્યામાં પોલીસ ફોર્સ પણ તૈનાત કરવામાં આવી હતી. આ વિસ્તારમાં એક મોટી સુરક્ષા વ્યવસ્થા સક્રિય કરવામાં આવી હતી અને રહેવાસીઓ સિવાય કોઈને અંદર પ્રવેશવાની મંજૂરી નથી.
મૃતકોના પરિવારને 5 લાખ રૂપિયાની સહાયની જાહેરાત
પોલીસ અહીં આવતા લોકોની સઘન તપાસ કરી રહી છે. ઘાટકોપર ઘટના પર મહારાષ્ટ્રના ડેપ્યુટી સીએમએ કહ્યું કે આ મામલાની તપાસ કરવામાં આવશે. તેમણે કહ્યું કે મુખ્યમંત્રીએ નિર્દેશ આપ્યો છે કે તમામ હોર્ડિંગ્સનું યોગ્ય ઓડિટ કરવામાં આવે અને મુખ્યમંત્રી એકનાથ શિંદેએ મૃતકોના પરિવારને 5 લાખ રૂપિયાની સહાયની જાહેરાત કરી છે. બીજી તરફ સારવાર લઈ રહેલા લોકોને સરકાર દ્વારા મફત સારવાર આપવાની જાહેરાત કરવામાં આવી છે.
100ft. Hoarding Collapsed In Mumbai : મુંબઈ પોલીસે ‘ઇગો મીડિયા’ના માલિક અને અન્ય લોકો સામે કેસ નોંધ્યો
આ મામલાના સંદર્ભમાં એક અધિકારીએ જણાવ્યું કે ઘાટકોપર વિસ્તારમાં પેટ્રોલ પંપ પર હોર્ડિંગ પડી જવાને કારણે થયેલા મૃત્યુ બાદ મુંબઈ પોલીસે ‘ઇગો મીડિયા’ના માલિક અને અન્ય લોકો સામે કેસ નોંધ્યો છે. BMCના જણાવ્યા અનુસાર, આ અકસ્માત ઈસ્ટર્ન એક્સપ્રેસ હાઈવે, પંતનગર, ઘાટકોપર ઈસ્ટ પર પોલીસ ગ્રાઉન્ડ પેટ્રોલ પંપ પર થયો હતો. ઘાટકોપરમાં હોર્ડિંગ પડવાની ઘટના પર બોલતા BMC કમિશનર ભૂષણ ગગરાણીએ કહ્યું કે રાહત અને બચાવ કાર્ય ચાલી રહ્યું છે. હોર્ડિંગ પડી ગયા પછી, વિસ્તારના લોકો માટે શોધ અને બચાવ કામગીરી સઘન બનાવવામાં આવી હતી.
તમે આ પણ વાંચી સકો છો :
તમે આ પણ વાંચી સકો છો :
Balaram Palace: પાલનપુર નજીક બાલારામ પેલેસ કુદરતી સૌદર્યથી ભરપુર, વેકેશનમાં પર્યટકોની ભારે ભીડ
SHARE
