Sushmita Flaunted Massive Engagement Ring:સુષ્મિતાએ એન્ગેજમેન્ટ રિંગ ફ્લૉન્ટ કરી-India News Gujarat
Sushmita Flaunted Massive Engagement Ring: બોલિવૂડ એક્ટ્રેસ સુષ્મિતા સેન તથા IPLના પૂર્વ કમિશ્નર લલિત મોદી વચ્ચેના સંબંધોએ ખળભળાટ મચાવી દીધો છે. ગુરુવાર, 14 જુલાઈના રોજ અચાનક લલિત મોદીએ માલદીવ્સ વેકેશનની તસવીરો શૅર કરીને સુષ્મિતા સેન સાથેના સંબંધો ઓફિશિયલ કર્યા હતા. જોકે, હવે એવી ચર્ચા થઈ રહી છે કે બંનેએ સગાઈ કરી લીધી છે. લલિત મોદીએ જે તસવીરો શૅર કરી છે, તેમાંથી એક તસવીરમાં સુષ્મિતા સેનના હાથમાં રિંગ જોવા મળે છે.
લલિત મોદીએ સો.મીડિયામાં તસવીરો શૅર કરી
સો.મીડિયામાં લલિત મોદીએ સુષ્મિતા સાથેની ઘણી તસવીરો શૅર કરી હતી. લલિત મોદીએ સો.મીડિયાના ડિસ્પ્લે પિકમાં પણ સુષ્મિતા સાથેની તસવીર રાખી છે. હાલમાં સુષ તથા લલિત મોદીની પ્રાઇવેટ લાઇફ ને લવ લાઇફ અંગે ચર્ચા થઈ રહી છે.
સગાઈ અંગે હજી સુધી કંઈ જ કહ્યું નથી
સુષ્મિતા તથા લલિત મોદીએ સગાઈ અંગે હજી સુધી કોઈ જ રિએક્શન આપ્યું હતું. જોકે, સુષ્મિતાના હાથમાં રહેલી રિંગને કારણે ચાહકો એવું માની રહ્યા છે કે બંનેએ સગાઈ કરી લીધી છે.
પહેલાં બેટર હાફ ગણાવી ને પછી કહ્યું, ડેટ કરીએ છીએ
સો.મીડિયામાં લલિત મોદીએ પહેલાં સુષ્મિતાને બેટર હાફ ગણાવી હતી. જોકે, પછી અન્ય એક પોસ્ટમાં ચોખવટ કરી હતી કે તે હાલમાં એકબીજાને ડેટ કરે છે અને ટૂંક સમયમાં લગ્ન કરી શકે છે.
સુષ્મિતાનું છ મહિના પહેલાં બ્રેકઅપ થયું
ગયા વર્ષે ડિસેમ્બરમાં સુષ્મિતાનું રોહમન શૉલ સાથે બ્રેકઅપ થયું હતું. બંનેએ એકબીજાને અઢી વર્ષ સુધી ડેટ કર્યા અને બંને લિવ ઇનમાં રહેતા હતા. જોકે, તેમણે ક્યા કારણોસર બ્રેકઅપ કર્યું તેની વાત કરી નહોતી, પરંતુ બંને આજે પણ એકબીજાના મિત્રો હોવાનો દાવો કરે છે.
સુષ્મિતાએ કેમ આજ સુધી લગ્ન નથી કર્યાં?
ગયા મહિને એક્ટ્રેસે ટ્વિંકલ ખન્નાના શોમાં કહ્યું હતું કે તેના માટે હંમેશાં બાળકો પ્રાથમિકતા રહ્યા છે. તે નહોતી ઈચ્છતી હતી કે લગ્ન બાદ કોઈ અન્ય વ્યક્તિને કરાણે તે બાળકોથી દૂર થઈ જાય. આ જ કારણે તેણે લગ્ન કર્યા નથી.
એક્ટ્રેસનું બોલિવૂડ કરિયર
સુષ્મિતા સેન 1994માં મિસ યુનિવર્સ બની હતી. તેણે 1996માં ફિલ્મ ‘દસ્તક’થી બોલિવૂડ ડેબ્યૂ કર્યું હતું. તેણે ‘બીવી નંબર 1’, ‘ડૂ નોટ ડિસ્ટર્બ’, ‘મૈં હૂં ના’, ‘મૈંને પ્યાર ક્યોં કિયા’ તથા ‘તુમકો ના ભૂલ પાએંગે’ તથા ‘નો પ્રોબ્લમ’ જેવી ફિલ્મમાં એક્ટિંગ કરી છે. સુષ્મિતા છેલ્લે વેબ સિરીઝ ‘આર્યા’માં જોવા મળી હતી.
SHARE
