‘ભૂલ ભુલૈયા 2’ને ‘ધાકડ’ કરતા સારી ઓપનિંગ મળી

• ‘ભૂલ ભુલૈયા 2’ને ‘ધાકડ’ કરતા સારી ઓપનિંગ મળી છે. આ ફિલ્મ એક હોરર કોમેડી છે અને આવી સ્થિતિમાં આ ફિલ્મ કમાણીના મામલે વધુ આગળ વધી શકે છે. ‘ભૂલ ભુલૈયા 2’ના સવાર અને બપોરના શોમાં 30 ટકા સીટો ભરાયેલી જોવા મળી હતી.
• આ ફિલ્મ વર્ષ 2007માં આવેલી સુપરહિટ ફિલ્મ ‘ભૂલ ભુલૈયા’ની સિક્વલ છે. અને આ ફિલ્મને આગળ જતાં તેનો ફાયદો ચોક્કસ મળવાનો છે. આ ફિલ્મે પ્રથમ દિવસે સાંજે 4 વાગ્યા સુધી નેશનલ મલ્ટિપ્લેક્સ ચેઈન પીવીઆર, આઈનોક્સ અને સિનેપોલિસ સહિત 4.99 કરોડનો બિઝનેસ કર્યો છે.
• જ્યારે કંગનાની ફિલ્મ ‘ધાકડ’એ આ ત્રણેય મલ્ટિપ્લેક્સને ભેગા કરીને પહેલા દિવસે સાંજે 4 વાગ્યા સુધી લગભગ 18 લાખ રૂપિયાની કમાણી કરી છે. ટ્રેડ એનાલિસ્ટ કોમલ નાહટાએ પોતાના ટ્વિટર એકાઉન્ટ પર બંને ફિલ્મોના આંકડા શેર કર્યા છે.

સતત 6 હિન્દી ફિલ્મો ફ્લોપ રહી છે

• આનું કારણ કદાચ એ છે કે ‘ધ કાશ્મીર ફાઇલ્સ’ પછી રિલીઝ થયેલી 6 મોટી ફિલ્મો સતત ફ્લોપ સાબિત થઈ છે પરંતુ દક્ષિણ ભારતીય ફિલ્મો ‘RRR’ અને ‘KGF 2’એ બોક્સ ઓફિસ પર બમ્પર કમાણી કરી છે.
• જો કે, કાર્તિક આર્યન અને કિયારા અડવાણી ચોક્કસપણે લોકોના ચહેરા પર થોડું સ્મિત લાવવામાં સફળ થશે, પરંતુ આ ફિલ્મ પણ થોડા દિવસોમાં કોલ્ડ સ્ટોરેજમાં જઈ શકે છે. અને કંગનાની ફિલ્મ ‘ધાકડ’ની હાલત ખરાબ થવાની છે. જ્યારે કંગનાની ફિલ્મના ખૂબ વખાણ થઈ રહ્યા હતા, પરંતુ વખાણથી વિપરીત, દર્શકોએ આ ફિલ્મને સદંતર નકારી કાઢી છે.