દિલ્હી પોલીસે પંજાબી ગાયક દિલજીત દોસાંઝના આગામી કોન્સર્ટ માટે નકલી ટિકિટ વેચતી ગેંગનો પર્દાફાશ કર્યો છે. મંગળવારે (15 ઓક્ટોબર), પોલીસે એક વ્યક્તિની ધરપકડ કરી હતી જે કોન્સર્ટની ટિકિટો વધુ કિંમતે વેચી રહ્યો હતો. પોલીસને બાતમી મળી હતી કે કેટલાક લોકો દિલજીત દોસાંજના દિલ્હીમાં યોજાનારા શોની ટિકિટનું બ્લેક માર્કેટિંગ કરી રહ્યા છે. આ માહિતીના આધારે પોલીસે આરોપીની ધરપકડ કરી નકલી ટિકિટો જપ્ત કરી હતી.
26 અને 27 સપ્ટેમ્બરે દિલ્હીમાં કોન્સર્ટ યોજાશે
દિલજીત દોસાંઝ 26 અને 27 સપ્ટેમ્બરે દિલ્હીના જવાહરલાલ નેહરુ સ્ટેડિયમમાં પરફોર્મ કરશે. દિલ્હીમાં શો બાદ તેઓ દેશના અન્ય મોટા શહેરોમાં પણ તેમના કોન્સર્ટ કરશે.
દેશના 10 શહેરોમાં પરફોર્મ કરશે
ઑક્ટોબરના છેલ્લા અઠવાડિયામાં દિલ્હીમાં પરફોર્મ કર્યા પછી, દિલજીત 3 નવેમ્બરે જયપુરમાં પરફોર્મ કરશે, જેની ટિકિટો વેચાઈ ચૂકી છે. 15 નવેમ્બર 2024ના રોજ હૈદરાબાદમાં તેમનો કોન્સર્ટ યોજાશે. આ પછી તેઓ 17 નવેમ્બરે અમદાવાદ અને 22 નવેમ્બરે લખનૌમાં પરફોર્મ કરશે. 24મી અને 30મી નવેમ્બરે તેઓ અનુક્રમે પુણે અને કોલકાતામાં શો કરશે. ડિસેમ્બરમાં તેના કોન્સર્ટ બેંગલુરુ, ઈન્દોર, ચંદીગઢ અને ગુવાહાટીમાં યોજાશે.
વિદેશમાં સફળ પ્રદર્શન કર્યું છે
દિલજીત દોસાંઝે ઉત્તર અમેરિકા, ઓસ્ટ્રેલિયા અને ન્યુઝીલેન્ડમાં સફળતાપૂર્વક પરફોર્મ કર્યું છે. હવે તેઓ ભારતના 10 મોટા શહેરોમાં તેમની સુપરહિટ “દિલ-લુમિનાટી” ટૂર લઈને આવી રહ્યા છે.
દિલજીત એક ગાયક, અભિનેતા અને ફિલ્મ નિર્માતા છે.
દિલજીત દોસાંઝ પંજાબી અને હિન્દી સિનેમામાં સક્રિય ગાયક, અભિનેતા અને ફિલ્મ નિર્માતા છે. તેઓ તેમની બહુમુખી પ્રતિભા માટે જાણીતા છે અને દેશ-વિદેશમાં તેમના ચાહકોની સંખ્યા સતત વધી રહી છે.
SHARE
