43 year old Bipasha Basu Shared Pictures Of Baby Bump:બિપાશાએ બેબી બમ્પ ફ્લૉન્ટ કરીને પ્રેગ્નન્સી કન્ફર્મ કરી-India News Gujarat
43 year old Bipasha Basu Shared Pictures Of Baby Bump; 43 વર્ષીય બોલિવૂડ એક્ટ્રેસ બિપાશા બાસુ પ્રેગ્નન્ટ છે. બિપાશા તથા કરને સો.મીડિયામાં તસવીર શૅર કરીને આ અંગે વાત કરી હતી. બિપાશા બેબી બમ્પ ફ્લૉન્ટ કરતી જોવા મળી હતી.
બિપાશાએ શું કહ્યું?
બિપાશાએ બેબી બમ્પની તસવીર શૅર કરીને કહ્યું હતું, ‘એક નવો સમય, નવો તબક્કો, એક નવી રોશનીએ અમારા જીવનને નવો જ શૅડ આપ્યો છે. આ પહેલાં કરતાં પણ વધુ સંપૂર્ણ લાગી રહ્યું છે. અમે અલગ-અલગ અમારું જીવન શરૂ કર્યું હતું અને પછી અમે એકબીજાને મળ્યા અને અમે ત્યારથી સાથે છીએ.’
વધુમાં બિપાશાએ કહ્યું હતું, ‘માત્ર બે લોકો માટે આટલો પ્રેમ વધુ પડતો છે. આ વાત અમને અન્યાયી લાગતી હતી અને આથી જ હવે અમે બેમાંથી ત્રણ થવાના છીએ. અમારું બાળક જલ્દીથી આવશે.’
ચાહકોનો આભાર માન્યો
બિપાશાએ પોસ્ટમાં છેલ્લે ચાહકોનો આભાર માન્યો હતો. બિપાશાએ કહ્યું હતું, ‘આટલા પ્રેમ માટે તમામનો આભાર. તમારી દુઆ તથા શુભેચ્છા હંમેશાં અમારા જીવનનો હિસ્સો રહેશે. અમારા જીવનનો હિસ્સો બનવા માટે આભાર.’
બિપાશાના બેબી બમ્પને કરને કિસ કરી
બિપાશા બાસુ વ્હાઇટ શર્ટમાં જોવા મળે છે. બિપાશાએ શર્ટના બટન ખુલ્લા રાખીને બેબી બમ્પ બતાવ્યો છે. એક તસવીરમાં કરન પત્ની બિપાશાના બેબી બમ્પને કિસ કરે છે. અન્ય એક તસવીરમાં કરને પત્નીના બેબી બમ્પ પર પ્રેમથી હાથ મૂક્યો છે.
2015માં સાથે કામ કર્યું હતું
બિપાશા તથા કરને 2015માં હોરર ફિલ્મ ‘અલોન’માં સાથે કામ કર્યું હતું. આ ફિલ્મના શૂટિંગ દરમિયાન બંને વચ્ચેના અફેરની શરૂઆત થઈ હતી. આ સમયે કરન પરિણીત હતો.
2016માં લગ્ન
કરને બીજી પત્ની જેનિફર વિન્ગટેને ડિવોર્સ આપીને બિપાશા સાથે એપ્રિલ, 2016માં લગ્ન કર્યાં હતાં. કરને 2008માં પહેલા લગ્ન શ્રદ્ધા નિગમ સાથે કર્યા હતા. આ લગ્ન માંડ 10 મહિના ટક્યા હતા. ત્યારબાદ તેણે 2012માં ટીવી એક્ટ્રેસ જેનિફર સાથે લગ્ન કર્યા હતા. જેનિફરને 2014માં ડિવોર્સ આપ્યા હતા.
વર્કફ્રન્ટ
કરન સિંહ ગ્રોવરના કામની વાત કરીએ તો તેણે 2004માં ટીવી સિરિયલ ‘કિતની મસ્ત હૈ જિદંગી’થી કરિયરની શરૂઆત કરી હતી. ત્યારબાદ તે વિવિદ સિરિયલમાં જોવા મળ્યો હતો. 2015માં તેણે ફિલ્મ ‘અલોન’થી બોલિવૂડ ડેબ્યૂ કર્યું હતું. ત્યારબાદ તે ‘હેટ સ્ટોરી 3’માં જોવા મળ્યો હતો. કરન છેલ્લે 2020માં વેબ સિરીઝ ‘કૂબૂલ હૈ 2.0’માં જોવા મળ્યો હતો. બિપાશા બાસુ છેલ્લે 2015માં ફિલ્મ ‘અલોન’માં જોવા મળી હતી. ત્યારબાદ તે એક પણ બોલિવૂડ ફિલ્મમાં જોવા મળી નથી. 2020માં વેબ સિરીઝ ‘ડેન્જરસ’થી તેણે ડિજિટલ ડેબ્યૂ કર્યું હતું.
SHARE
