PM In Patna: વડાપ્રધાન નરેન્દ્ર મોદીએ સોમવારે બિહારમાં ગુરુદ્વારા પટના સાહિબની મુલાકાત લીધી હતી, જ્યાં તેમણે લંગર પીરસવામાં ભાગ લીધો હતો. નારંગી પાઘડી પહેરીને, તેણે ગુરુદ્વારા મેનેજમેન્ટની સાથે રસોઈ બનાવી.
સોશિયલ મીડિયા પર શેર કર્યા સ્નિપેટ્સ
વડાપ્રધાન નરેન્દ્ર મોદીએ સોમવારે બિહારના પટનામાં તખ્ત શ્રી હરિમંદિર જી પટના સાહિબની મુલાકાત લીધી હતી. પવિત્ર સ્થળની મુલાકાત લીધા બાદ વડાપ્રધાને લોકો માટે લંગર પીરસ્યું હતું. તેમની મુલાકાત પહેલા, વિસ્તૃત સુરક્ષા વ્યવસ્થા ગોઠવવામાં આવી હતી. પ્રધાનમંત્રીએ શ્રી ગુરુ ગોવિંદ સિંહ જીના જન્મસ્થળ દરબાર સાહિબમાં નમન કર્યું. તેઓ અરદાસમાં જોડાયા હેય અને ત્યાં લાઈવ કીર્તન પણ સાંભળ્યા હતા.
તેમની મુલાકાત દરમિયાન, PM એ શ્રી ગુરુ ગોવિંદ સિંહ જી દ્વારા ઉપયોગમાં લેવાતા દુર્લભ ‘શાસ્ત્રો’ (શસ્ત્રો) ના દર્શન પણ કર્યા. તખ્ત શ્રી પટના સાહિબ, જેને તખ્ત શ્રી હરિમંદિર જી, પટના સાહિબ તરીકે પણ ઓળખવામાં આવે છે, તે શીખોના પાંચ તખ્તોમાંનું એક છે અને તે બિહારની રાજધાનીમાં સ્થિત છે. તેમની મુલાકાતના ભાગ રૂપે, વડા પ્રધાને ચૌર સાહિબની સેવા કરી હતી અને “સરબત દા ભલા” માટે પાઠમાં બેઠા હતા, તેમણે “કરાહ પ્રસાદ” પણ લીધો હતો અને તેના માટે ડિજિટલ પેમેન્ટ મોડ દ્વારા ચૂકવણી કરી હતી.
PM In Patna: શીખ ધર્મમાં ‘સેવા’ કેન્દ્રસ્થાને
વડા પ્રધાન X દ્વારા પટના સાહિબની તેમની મુલાકાતના સ્નિપેટ્સ શેર કર્યા હતા. તેમણે લખ્યું, “શીખ ધર્મ સમાનતા, ન્યાય અને કરુણાના સિદ્ધાંતોમાં રહેલો છે. શીખ ધર્મનું કેન્દ્ર સેવા છે. આજે સવારે પટનામાં, મને પણ સેવામાં ભાગ લેવાનું સન્માન મળ્યું. તે ખૂબ જ નમ્ર અને વિશેષ અનુભવ હતો.”
તમે આ પણ વાંચી સકો છો :
તમે આ પણ વાંચી સકો છો :
SHARE
