Paytm UPI Lite: આજના સમયમાં મોટાભાગના લોકો વધુ ને વધુ ઓનલાઈન પેમેન્ટ કરવામાં માને છે. દરેક વ્યક્તિ UPI પેમેન્ટ કરવાનું પસંદ કરે છે. Paytm પેમેન્ટ્સ બેંકે iOS વપરાશકર્તાઓ માટે Paytm UPI લાઇટ સપોર્ટ રોલઆઉટ કર્યો છે. જે આઇફોન યુઝરને UPI પિન દાખલ કર્યા વિના પેમેન્ટ કરવાની મંજૂરી આપે છે.
UPI લાઇટ શું છે?
UPI Lite એક ઓન-ડિવાઈસ વોલેટ બનાવીને કામ કરે છે જેનો ઉપયોગ રૂ. 2,000 સુધી સ્ટોર કરવા માટે થઈ શકે છે. હકીકતમાં, આ સુવિધા Paytm અને PhonePe સહિત ઘણી લોકપ્રિય પેમેન્ટ એપ પર ઉપલબ્ધ છે. તમને જણાવી દઈએ કે, Paytm એ પહેલી પેમેન્ટ બેંક હતી જેણે UPI Lite ને પોતાની સુપર એપ પર લોન્ચ કરી હતી. હવે, આ UPI લાઇટને iOS પ્લેટફોર્મ પર પણ રજૂ કરવામાં આવી છે.
એકવાર UPI લાઇટ સેટ થઈ ગયા પછી, વપરાશકર્તાઓ કોઈપણ મુશ્કેલી વિના 200 રૂપિયા સુધીના ત્વરિત અને સુરક્ષિત વ્યવહારો કરી શકે છે. યુઝર દિવસ દીઠ કુલ દૈનિક વપરાશ 4,000 રૂપિયા સુધીનો હોઈ શકે છે.
- UPI લાઇટનો ઉપયોગ કેવી રીતે કરવો
- સૌથી પહેલા તમારે Paytm એપ ઓપન કરવી પડશે.
- હોમ સ્ક્રીન પર “UPI Lite” આઇકોન પર ક્લિક કરો.
- અહીં તમારા બેંક ખાતાની વિગતો દાખલ કર્યા પછી પુષ્ટિ કરો.
- તે પછી તમારા UPI Lite વૉલેટમાં પૈસા ઉમેરો.
- ચુકવણી કરવા માટે, “UPI Lite” વિકલ્પ પસંદ કરો.
- તમે જે વ્યક્તિને પૈસા મોકલવા માંગો છો તેનો QR કોડ સ્કેન કરો.
- તમે ચૂકવવા માંગો છો તે રકમ દાખલ કરો.
- આ પછી, તમે “પે” પર ટેપ કરો કે તરત જ UPI વગર પૈસા ટ્રાન્સફર થઈ જશે.
SHARE
