MiG-21 Grounded: મિગ-21 દરરોજ હેડલાઇન્સમાં રહે છે. અને તેનું કારણ આ પ્લેનનું અવારનવાર ક્રેશ થવાનું છે. આવી સ્થિતિમાં ભારતીય વાયુસેના (IAF)એ આ અંગે મોટો નિર્ણય લીધો છે. IAF એ MiG-21 ના સમગ્ર કાફલાને ગ્રાઉન્ડ કરી દીધું છે. થોડા દિવસો પહેલા રાજસ્થાનમાં મિગ-21 ક્રેશ થયા બાદ આ નિર્ણય લેવામાં આવ્યો છે. IAF અનુસાર, રાજસ્થાનમાં દુર્ઘટના પાછળના કારણોની જાણ ન થાય ત્યાં સુધી આ કાફલાના વિમાનનું ગ્રાઉન્ડિંગ ચાલુ રહેશે.
મિગ-21 બાઇસન ક્રેશ
ઉલ્લેખનીય છે કે, 8 મેના રોજ રાજસ્થાનના એક ગામમાં મિગ-21 બાઇસન વિમાન ક્રેશ થતાં ત્રણ લોકોએ જીવ ગુમાવ્યા હતા. આ વિમાન સાથે આવો અકસ્માત પહેલીવાર નથી થયો. મિગ-21 ક્રેશ થવાના સમાચાર દરરોજ સાંભળવા મળે છે. એક વરિષ્ઠ સંરક્ષણ અધિકારીએ સમાચાર એજન્સી એએનઆઈને જણાવ્યું હતું કે તાજેતરના દુર્ઘટનાની તપાસ પૂરી ન થાય અને દુર્ઘટનાનું કારણ જાણી ન જાય ત્યાં સુધી મિગ-21 વિમાનના કાફલાને ગ્રાઉન્ડ કરવામાં આવ્યું છે.
ભારતીય વાયુસેનામાં માત્ર ત્રણ મિગ-21 બાકી છે
મિગ-21 ફાઈટર જેટ વેરિઅન્ટને પાંચ દાયકા પહેલા ભારતીય વાયુસેનામાં સામેલ કરવામાં આવ્યું હતું અને હવે તેને તબક્કાવાર બહાર કરવામાં આવનાર છે. તેમણે કહ્યું કે IAFમાં માત્ર ત્રણ મિગ-21 સ્ક્વોડ્રન કાર્યરત છે અને તે તમામને 2025ની શરૂઆતમાં તબક્કાવાર બહાર કરી દેવામાં આવશે.
SHARE
