• Diwali 2022:દિવાળીના 15થી 20 દિવસ પહેલા જ એરલાઇન્સ અને હોટલ્સ ફુલ થઇ ગઇ છે.

• લોકોમાં ફરવા જવાનો ભારે ઉત્સાહ જોવા મળી રહ્યો છે.
• જેના કારણે છેલ્લી ઘડીએ ફરવા જનારા લોકોએ બમણાથી ત્રણ ગણા ભાડા ચૂકવીને ફરવા જવાનો વારો આવી શકે છે.
• કોરોનાકાળના બે વર્ષની કસર આ વખતની દિવાળી વેકેશનમાં (Vacation) નીકળે તેવું લાગી રહ્યું છે.
• કારણ કે દિવાળીના (Diwali 2022) 15થી 20 દિવસ પહેલા જ એરલાઇન્સ અને હોટલ્સ ફુલ થઇ ગઇ છે.
• લોકોમાં ફરવા જવાનો ભારે ઉત્સાહ જોવા મળી રહ્યો છે. જેના કારણે છેલ્લી ઘડીએ ફરવા જનારા લોકોએ બમણાથી ત્રણ ગણા ભાડા ચૂકવીને ફરવા જવાનો વારો આવી શકે છે.
• દિવાળીના તહેવારમાં ફરવા જવાનું પ્લાન કરતા હોય તો ટીકીટ અને હોટલમાં રૂમ એડવાન્સ બુકીંગ (Advance booking) કરવી લેજો.
• કારણ કે પ્રવાસન સ્થળો પર ટુર ઓપરેટરો દ્વારા મોટા ભાગની હોટલોમાં રૂમ બુકીંગ કરવી લીધા છે. અને છેલ્લી ઘટીએ તો ફ્લાઇટના ભાડા તો આસમાને હશે.

બેથી ત્રણ ગણાનો ભાવ વધારો

• મળતી માહિતી પ્રમાણે હાલમાં કોચી, બગોદરા, ચંડીગઢ, જોધપુર, દિલ્હી, ચેન્નઈ, દેહરાદુન,કોલકત્તા,બેંગાલુરૂ અને ગોવા ફરવા જવાના ભાવ પહેલા કરતા બમણાથી ત્રણ ગણા થઈ ચૂક્યા છે.
• તેમજ હોટલોમાં પણ ભાવ વધારા નોંધાઈ ચૂક્યા છે સાથે જ પ્રાઇવેટ કેબમાં પણ આ જ પ્રકારની પરિસ્થિતિ સર્જાય છે.
• ટ્રાવેલ એજન્ટ ફેડરેશનનું કહેવું છે કે, જે લોકો ફરવાના શોખીન છે તેઓ કોરોનાના બે વર્ષ ઘરમાં રહીને કંટાળી ગયા હતા.
• જેઓ આ દિવાળી વેકેશનમાં પોતાની ફરવાની તમામ કસર કાઢી નાખશે.
• કેમ કે આ વર્ષે દિવાળીના 15 થી 20 દિવસ પહેલા જ એરલાઇન્સ ફૂલ જેવી સ્થિતિમાં છે. જેથી છેલ્લી ઘડીએ ફરવા જનાર લોકોને કદાચ ટિકિટ મળી ન શકે અને જો ટિકિટ મળે તો તેના માટે તેઓએ બમણા કે ત્રણગણા નાણાં ચૂકવવાનો વારો આવી શકે છે.

ઇન્ટરનેશનલ ટુર પર જવાનો ક્રેઝ

• ગુજરાતીઓમાં ઇન્ટરનેશનલ ટુર પર જવાનો ક્રેઝ પણ વધુ જોવા મળી રહ્યો છે.
• વિયેતનામ, દુબઈ, સિંગાપુર, મલેશિયા, બાલી, માલદીવસ ફરવા જવાનો ક્રેઝ જોવા મળી રહ્યો છે. તો ડોમેસ્ટિકમાં કાશ્મીર, કેરાલા, હિમાચલ, દાર્જિલિંગ, ભૂતાન, ગોવા હોટ ફેવરિટ છે.
• દિવાળીના વેકેશનમાં રણોત્સવ, દ્વારકા, ગીર સોમનાથ, ગીર અને સ્ટેચ્યુ ઓફ યુનિટીમાં મોટી સંખ્યામાં પ્રવાસીઓનો ધસારો રહી શકે છે.
• ટુર ઓપરેટરોનું માનવું છે કે દિવાળીના તહેવારમાં તો ફ્લાઇટના ભાડા ત્રણ ગણા થઈ જાય છે અને ટુર પેકેજ પણ મોંઘા પડે છે અને પ્રવાસન સ્થળો પર હોટલમાં રૂમ મળવા પણ મુશ્કેલ બની જાય છે.
• ત્યારે આ વર્ષે એવો પણ અંદાજ છે કે આ દિવાળીના વેકેશનમાં અંદાજે 2 લાખથી વધુ પ્રવાસીઓ ગુજરાત બહાર ફરવા જશે.

સપ્ટેમ્બર મહિનાથી જ બૂકિંગ કરાવી દીધુ હતુ

• ફરવાના શોખીન ગુજરાતીઓ દિવાળી વેકેશનની રાહ જોઈ રહ્યા છે.
• ફરવા જવા માટે તો એડવાન્સ ટુર પેકેજ બુક કરી દીધા છે.
• કારણ કે છેલ્લી ઘડીએ તો હોટલમાં રૂમ કે એર ટિકિટ કે પછી ટ્રેનની ટિકિટ મળવી મુશ્કેલ બની જાય છે.
• ચાલુ વર્ષના દિવાળી વેકેશનમાં પ્રવાસીઓનો ધસારો વધશે તેવું ટુર ઓપરેટરોનું માનવું છે. કોરોનામાં ફરવા જવાનું મોકૂફ રાખ્યું હતું તે લોકોએ દિવાળી વેકેશનમાં ફરવા જવા માટે સપ્ટેમ્બર મહિનાથી જ ટુર પેકેજ બુક કરાવી લીધા હતા.
• જેના કારણે એર ટિકિટ પણ રિઝનેબલ ચાર્જમાં પડી છે. જોકે છેલ્લી ઘડીએ ફરવા જનાર માટે આ દિવાળી વેકેશન મોંઘું પડી શકે છે.

તમે પણ આ વાંચી શકો છો-

PM Modi : હિમાચલમાં વર્ષો સુધી સરકાર ચલાવનારાઓને લોકોની ચિંતા નથી 

તમે પણ આ વાંચી શકો છો-

 Railway Employee:મોદી સરકારની રેલવે કર્મચારીઓને ભેટ, 11.27 લાખ કર્મચારીને મળશે દિવાળી બોનસ