Dharmesh Patel: લોકસભા ચૂંટણી નજીક આવતાં ગુજરાત કોંગ્રેસમાં ફરી એકવાર કોંગ્રેસના નેતાઓનો રાજીનામાનો દૌર શરૂ થયો છે. ગત એક જ દિવસમાં કોંગ્રેસના ત્રણ નેતા રાજીનામાં આપી ચૂક્યા છે. પૂર્વ ધારાસભ્ય અંબરીશ ડેર, ધારાસભ્ય અર્જુન મોઢવાડિયા અને બાદમાં નવસારી કોંગ્રેસના નેતા ધર્મેશ પટેલે રાજીનામાં ધરી દીધા છે.
કોંગ્રેસ નેતાઓ હાથનો સાથ છોડવા લાગ્યા
એક તરફ લોકસભા ચૂંટણીને હવે ગણતરીના દિવસો બાકી રહ્યા છે. બીજી તરફ કોંગ્રેસ નેતા રાહુલ ગાંધીની ન્યાય યાત્રાની તડામારા તૈયારી ચાલી રહી છે. તેની વચ્ચે ગુજરાતમાં કોંગ્રેસ નેતાઓ હાથનો સાથ છોડવા લાગ્યા છે. એક જ દિવસમાં ત્રણ નેતાઓ રાજીનામા ધરી દીધા છે. રાજુલાના પૂર્વ ધારાસભ્ય અંબરીશ ડેર, પોરબંદરના ધારાસભ્ય અર્જુન મોઢવાડિયા બાદ નવસારી કોંગ્રેસના નેતા ધર્મેશ પટેલે રાજીનામા ધરી દેતા કોંગ્રેસમાં એક સાંધે ત્યાં તેર તૂટે જેવી સ્થિતિ સર્જાઈ છે.
કોંગ્રેસના તમામ પદ પરથી રાજીનામું આપ્યા બાદ પ્રતિક્રિયા આપતા ધર્મેશ પટેલે કહ્યું હતું કે, હું કોંગ્રેસમાં હતો ત્યારે તન,મન અને ધનથી કામ કરતો હતો. મારી સાથે ઘણા સમયમથી અન્યાય થઈ રહ્યો હતો. ભૂતકાળમાં મારી અને મારા પિતાની અવગણના કરવામાં આવી હોવા છતા અમે કોંગ્રેસ છોડી ન હતી. રાજીનામું આપ્યા બાદ આગળ શું કરવું તે અંગે મેં હાલ કંઈ વિચાર્યું નથી.
Dharmesh Patel: ગત લોકસભા ચુંટણી સી આર પાટીલ સામે લડેલા
ધર્મેશ પટેલ નવસારી કોંગ્રેસના પીઢ આગેવાન સ્વ. ભીમભાઈ પટેલના પુત્ર છે. ધર્મેશ પટેલ 2011 થી 2013ના સમયગાળા દરમિયાન વિજલપોર પાલિકામાં પ્રમુખ રહી ચૂક્યા છે. આ ઉપરાંત તેમણે જિલ્લા કોંગ્રેસના મહામંત્રીથી માડી યુથ કોંગ્રેસ વગેરેમાં જવાબદારી સંભાળી ચૂક્યા છે. કોંગ્રેસમાંથી રાજીનામું આપી દેનાર ધર્મેશ પટેલ 2019 લોકસભા ચૂંટણીમાં નવસારી બેઠક પર ભાજપના સીઆર પાટીલની સામે ચૂંટણી લડ્યા હતા. જેમાં ધર્મેશ પટેલે પાટીલ સામે કારમી હારનો સામનો કરવો પડ્યો હતો. કોંગ્રેસના ઉમેદવાર ધર્મેશ પટેલ સામે સીઆર પાટીલનો 6,68,668 મતની લીડથી વિજય થયો હતો.
તમે આ પણ વાંચી શકો છો:
Anant-Radhika Pre Wedding: ભાઈ અનંતના પ્રી-વેડિંગમાંથી ઈશા અંબાણીના રોયલ લૂક થયો-INDIA NEWS GUJARAT
તમે આ પણ વાંચી શકો છો:
SHARE
