Bharat Jodo Nyay Yatra: મણિપુર સરકારે કોંગ્રેસ પાર્ટીની ભારત જોડો ન્યાય યાત્રાને લઈને પોતાનો નિર્ણય જાહેર કર્યો છે. સરકારે આજે (બુધવારે) મર્યાદિત સંખ્યામાં લોકો સાથે આ માટે પરવાનગી આપી છે. આ પહેલા કોંગ્રેસ પાર્ટી દ્વારા કહેવામાં આવ્યું હતું કે મણિપુર સરકારે આ યાત્રાને ઈમ્ફાલના પેલેસ ગ્રાઉન્ડથી શરૂ કરવાની મંજૂરી આપી નથી. જેના કારણે યાત્રા અન્ય કોઈ જગ્યાએથી શરૂ કરવામાં આવશે.
કેન્દ્ર સરકાર પર નિશાન
કોંગ્રેસનું કહેવું છે કે આ યાત્રા સામાજિક, આર્થિક અને રાજકીય ન્યાય માટે શરૂ કરવામાં આવી રહી છે. પાર્ટી અધ્યક્ષ મલ્લિકાર્જુન ખડગેએ કેન્દ્ર સરકાર પર આરોપ લગાવતા કહ્યું કે હવે ચર્ચા માટે સંસદના દરવાજા બંધ કરી દેવામાં આવ્યા છે. જેના કારણે આ યાત્રા શરૂ કરવામાં આવી રહી છે. તમને જણાવી દઈએ કે મે 2023માં બે સમુદાયો વચ્ચે હિંસાને કારણે મણિપુર ખૂબ પ્રભાવિત થયું હતું. જેમાં લગભગ 200ના મોત થયા હતા.
આ રાજ્યોમાંથી યાત્રા નીકળશે
કોંગ્રેસ પાર્ટીના પૂર્વ અધ્યક્ષ રાહુલ ગાંધીના નેતૃત્વમાં 14 જાન્યુઆરીથી ભારત જોડો ન્યાય યાત્રા શરૂ થશે. આ યાત્રા લગભગ 6,700 કિલોમીટરનું અંતર કાપશે. જેમાં 15 રાજ્યોને આવરી લઈને તે મુંબઈમાં સમાપ્ત થશે. 15 રાજ્યોમાં આસામ, મેઘાલય, પશ્ચિમ બંગાળ, મણિપુર, નાગાલેન્ડ, ઝારખંડ, ઓડિશા, બિહાર, છત્તીસગઢ, ઉત્તર પ્રદેશ, મધ્ય પ્રદેશ, રાજસ્થાન, ગુજરાત અને મહારાષ્ટ્રનો સમાવેશ થાય છે. અગાઉ ભારત જોડો યાત્રામાં કન્યાકુમારીથી કાશ્મીર સુધીની યાત્રાનું આયોજન કરવામાં આવ્યું હતું. લોકસભા ચૂંટણીની દૃષ્ટિએ આ પ્રવાસ ખૂબ જ મહત્વપૂર્ણ માનવામાં આવી રહ્યો છે.
તમે આ પણ વાચી શકો છો
Raat Akeli Thi OUT : મેરી ક્રિસમસનું નવું ગીત રિલીઝ થયું, રોમેન્ટિક ટ્રેક ઇન્ટરનેટ પર વાયરલ થયો
તમે આ પણ વાચી શકો છો
SHARE
