Indian Army: તાજેતરમાં જ વડાપ્રધાન મોદીએ તેજસ ફાઈટર પ્લાનમાં ઉડાન ભરી હતી. જેનો ફોટો સોશિયલ મીડિયા પર વાયરલ થયો હતો. ટૂંક સમયમાં ભારતીય સેનાની તાકાત વધુ વધવા જઈ રહી છે. પ્રાપ્ત માહિતી અનુસાર, 30 નવેમ્બરે સંરક્ષણ પ્રધાન રાજનાથ સિંહની અધ્યક્ષતામાં સંરક્ષણ પ્રાપ્તિ પરિષદની બેઠક યોજાવાની છે. આ બેઠકમાં સેના માટે 140 કોમ્બેટ હેલિકોપ્ટર ખરીદવાની મંજૂરી આપવામાં આવી શકે છે.
આ ડીલ 45,000 કરોડ રૂપિયાની હશે. આર્મીને 90 હેલિકોપ્ટર અને એરફોર્સને 55 હેલિકોપ્ટર મળશે. આ હેલિકોપ્ટર HAL દ્વારા બનાવવામાં આવ્યું છે અને તેને સેનાની જરૂરિયાતો અનુસાર ડિઝાઇન કરવામાં આવ્યું છે. તે રણથી સિયાચીન અને પૂર્વી લદ્દાખ સુધી કામ કરી શકે છે.
વિશેષતા શું છે
આ હેલિકોપ્ટરનું નામ પ્રચંડ છે. આ એકમાત્ર એટેક હેલિકોપ્ટર છે, જે 16400 ફૂટની ઊંચાઈએ લેન્ડ અને ટેક ઓફ કરી શકે છે. તે 50 ફૂટથી વધુ લાંબુ અને લગભગ 15 ફૂટ ઊંચું છે. આ હેલિકોપ્ટર 5.8 ટન વજનના હથિયારો અને મિસાઈલ સાથે ઉડી શકે છે.
તેની સ્પીડ 268 કિમી પ્રતિ કલાક છે. તેમાં બે એન્જિન અને બે પાયલોટ છે. પ્રચંડ હેલિકોપ્ટર 20 એમએમ કેલિબર ગન અને 70 એમએમ રોકેટથી સજ્જ છે. તે હવાથી હવામાં અને હવાથી જમીન પર પ્રહાર કરતી મિસાઇલોથી સજ્જ છે.
જે દુશ્મનની ટેન્ક, બંકર અને ડ્રોનને પણ નષ્ટ કરી શકે છે. આ હેલિકોપ્ટર આગામી ત્રણથી ચાર દાયકા સુધી ઉભરતા પડકારોને પહોંચી વળવા સક્ષમ છે.
તમે આ પણ વાંચી શકો છો :
તમે આ પણ વાંચી શકો છો :
KBC Fraud:KBC ના નામે ફ્રોડ, ફોન કોલ અને વોટ્સએપ પર રૂપિયાની લાલચ આપીને થાય છે ફ્રોડ
SHARE
