ફેમસ સિંગર, રેપર અને યો યો હની સિંહે વર્ષો પછી કમબેક કર્યું છે. પરંતુ તેમના અંગત જીવનને લઈને એક ખરાબ સમાચાર સામે આવ્યા છે. તમને જણાવી દઈએ કે હની સિંહ અને તેની પત્ની શાલિની તલવારના છૂટાછેડા ફાઈનલ થઈ ગયા છે. હા, દિલ્હીની એક અદાલતે મંગળવારે 7 નવેમ્બરે હની સિંહ અને તેની પત્ની શાલિનીના છૂટાછેડાને મંજૂરી આપી દીધી છે. ગયા વર્ષે શલાનીએ હની સિંહ પર ઘરેલુ હિંસાનો આરોપ લગાવ્યો હતો. તમને જણાવી દઈએ કે હની સિંહ અને શાલિનીએ તેમના 20 વર્ષ જૂના લગ્નજીવનનો અંત લાવી દીધો છે.
હવે તેમાં એક નવું અપડેટ સામે આવ્યું છે. ગાયક અને તેની પત્ની શાલિની તલવારના છૂટાછેડાને આજે એટલે કે મંગળવારે દિલ્હીની અદાલતે મંજૂરી આપી દીધી છે.
અઢી વર્ષ પછી છૂટાછેડા મંજૂર
મળતી માહિતી મુજબ, એવું કહેવામાં આવ્યું હતું કે, ફેમિલી કોર્ટમાં પરમજીત સિંહે હની સિંહ અને તેની પત્ની વચ્ચે ચાલી રહેલા અઢી વર્ષ જૂના કેસનો અંત લાવ્યો અને બંને પક્ષોને છૂટાછેડાનો આદેશ આપ્યો. હનીની પત્નીએ સિંહ પર ઘરેલુ હિંસાનો આરોપ લગાવ્યો હતો. શાલિનીએ કહ્યું કે ગાયક અને તેના પરિવારે તેને માનસિક અને શારીરિક ત્રાસ આપ્યો હતો.
હવે પક્ષકારો વચ્ચે સમજૂતી થયા બાદ આરોપો પાછા ખેંચી લેવામાં આવ્યા છે. ગયા વર્ષે સપ્ટેમ્બરમાં હની સિંહે શાલિનીને 1 કરોડ રૂપિયાનો ડિમાન્ડ ડ્રાફ્ટ પણ આપ્યો હતો.
હની સિંહે શાલિનીથી છૂટાછેડા લેવા માટે પૈસા ચૂકવવા પડ્યા હતા
મીડિયા રિપોર્ટ્સ અનુસાર, શાલિનીએ હની સિંહ પાસેથી 10 કરોડ રૂપિયાની માંગણી કરી હતી. પરંતુ હવે બંને વચ્ચે 1 કરોડ રૂપિયાની એલિમોની પર કરાર થયો છે. તમને જણાવી દઈએ કે શાલિની અને હની સિંહ પર ઘણા ગંભીર આરોપો લાગ્યા હતા. તેણે પોતાના નિવેદનમાં કહ્યું હતું કે હની સિંહે તેની સાથે પણ છેતરપિંડી કરી હતી. રેપરને અન્ય મહિલાઓ સાથે પણ શારીરિક સંબંધો હતા. આ સિવાય શાલિનીએ એવો પણ દાવો કર્યો હતો કે રેપરે તેનું માનસિક અને શારીરિક શોષણ કર્યું હતું.
2011માં લગ્ન કર્યા હતા
હની સિંહ અને શાલિનીએ લગ્ન પહેલા લગભગ 20 વર્ષ સુધી એકબીજાને ડેટ કર્યા હતા. ત્યારબાદ 2011માં આ કપલે દિલ્હીના એક ગુરુદ્વારામાં શીખ રીતિ-રિવાજ મુજબ ખૂબ જ ધામધૂમથી લગ્ન કર્યા. બંનેના લગ્ન ખૂબ જ ગુપ્ત હતા, જેમાં માત્ર તેમના પરિવારના સભ્યો જ હાજર રહ્યા હતા. લગ્નના 3 વર્ષ પછી, તેમના અફેરના સમાચાર સામે આવ્યા, જે પછી હની સિંહે એક રિયાલિટી શોમાં ખુલાસો કર્યો કે તેણે શાલિની સાથે લગ્ન કર્યા છે.
SHARE
