15મી ઓગસ્ટ પૂર્વે દેશભરમાં દેશભક્તિનો માહોલ જોવા મળી રહ્યો છે. ઠેર ઠેર અત્યારથી જ અલગ અલગ જગ્યા ઉપર નીકળતી તિરંગા યાત્રાને કારણે અનેરો માહોલ ઊભો થઈ રહ્યો છે. લિંબાયત વિધાનસભા વિસ્તારમાં આજે ભવ્ય બાઇક રેલી કાઢીને તિરંગા યાત્રા શરૂ કરવામાં આવી હતી. સ્થાનિક ધારાસભ્ય સંગીતા પાટીલ સહિત ભાજપના પ્રદેશ અધ્યક્ષ સી.આર. પાટીલે હાજરી આપી હતી. જેને કારણે ભાજપના કાર્યકર્તાઓમાં ભારે ઉત્સાહ જોવા મળ્યો હતો.
દેશભરમાં 75મા સ્વાતંત્ર દિવસની દબદબાભેર ઉજવણીની તૈયારીઓ ચાલી રહી છે. હર ઘર તિરંગાના સૂત્ર સાથે ભારતીય જનતા પાર્ટી દ્વારા અલગ અલગ વિધાનસભા વિસ્તારોની અંદર ભવ્ય તિરંગા યાત્રાનું આયોજન કરવામાં આવી રહ્યું છે. ત્યારે સુરત શહેરના લિંબાયત વિસ્તારમાં મોટી સંખ્યામાં બાઈક રેલી કાઢવામાં આવી હતી. કેન્દ્રીય ટેક્સટાઇલ મંત્રી દર્શના જરદોશ પણ તિરંગા યાત્રામાં જોડાયાં હતાં. હર્ષ સંઘવીએ યાત્રા દરમિયાન કહ્યું કે, દેશ આઝાદ થયો ત્યારે જે માહોલ હતો તેવો જ માહોલ અત્યારે જોવા મળી રહ્યો છે. જમ્મુ-કાશ્મીરમાં લિસ્ટેડ આતંકવાદીઓના પરિવાર પણ તિરંગો લહેરાવી રહ્યા છે
SHARE
