Work From Home Of Side Effect : ગયા વર્ષે કોરોના મહામારીના આગમન બાદ ઘણી કંપનીઓએ તેમના કર્મચારીઓને ‘વર્ક ફ્રોમ હોમ’ આપ્યું હતું. ઘરેથી કામ કરવાથી લોકોને એટલી સગવડ મળી છે કે હવે લોકોને તેની ખરાબ આદત પડી ગઈ છે. કેટલીક કંપનીઓએ હજુ પણ તેમના કર્મચારીઓને ‘વર્ક ફ્રોમ હોમ’ આપ્યું છે.કારણ કે તેનાથી ઓફિસનો ઘણો ખર્ચ બચી રહ્યો છે. અને સાથે-સાથે કર્મચારીઓનો ઓફિસમાં આવવા-જવા માટેનો સમય અને ભાડું પણ બચી રહ્યું છે. આ જ કારણ છે કે કોરોનાનો કહેર સમાપ્ત થયા પછી પણ વિશ્વમાં ઘરેથી કામ ચાલુ છે. પરંતુ શું તમે જાણો છો કે વર્ક ફ્રોમ હોમને કારણે લોકોના સ્વાસ્થ્યને કેટલી ખરાબ અસર થઈ રહી છે?
ઘરેથી કામ કરવાથી શરીર પર ખરાબ અસર
હકીકતમાં, યુનાઇટેડ કિંગડમની એક ફર્નિચર કંપનીએ ઘરેથી કામ કરવાની કેટલીક આડઅસર આપી છે. જે ચોંકાવનારી છે. જો કે આ કંપનીએ કેટલીક 3-ડી તસવીરો શેર કરી છે, પરંતુ આ તસવીરો ઘરેથી કામ કરવાને કારણે શરીર પર ખરાબ અસર દર્શાવે છે. જ્યારે તમે આ તસવીરોને ધ્યાનથી જોશો તો તમે ચોંકી જશો. શેર કરાયેલા ફોટા 3-Dમાં મોડલનો શારીરિક દેખાવ દર્શાવે છે. જેમાં વર્ક ફ્રોમ હોમની અસરથી શરીરનું પોત ખૂબ જ ખરાબ હોવાનું દર્શાવવામાં આવ્યું છે.મોડેલની આંગળીઓ વાંકા વળી ગયેલી અને ખૂંધ બતાવવામાં આવી છે. શરીરનો નીચેનો ભાગ પણ ફેટી હોવાનું દર્શાવવામાં આવ્યું છે.
2100 માં આપણે બધા આના જેવા દેખાઈશું!
યુનાઈટેડ કિંગડમની કંપનીના જણાવ્યા અનુસાર, આ તસવીરો જણાવે છે કે 2100માં આપણે કેવા દેખાઈશું. સતત સ્ક્રીન જોવી, બેસવાની ખોટી મુદ્રા અને ટેક્નોલોજીનો વધુ પડતો ઉપયોગ શરીરને બગાડે છે એટલું જ નહીં, પણ અનેક બીમારીઓનું કારણ પણ બને છે. પ્યુ રિસર્ચ સેન્ટરના જણાવ્યા અનુસાર, અમેરિકાની 14 ટકા વસ્તી ફક્ત ઘરેથી જ કામ કરે છે. જ્યારે 28 ટકા લોકોએ હાઇબ્રિડ શેડ્યૂલ પર તેમનું કામ કર્યું.
સતત સ્ક્રીન તરફ જોવાનું ટાળો
કંપનીના જણાવ્યા અનુસાર, એક ડૉક્ટરે કહ્યું કે નિયમિત હલનચલન ન થવાથી શરીરમાં મસ્ક્યુલોસ્કેલેટલ ડિસઓર્ડર થઈ શકે છે. લાંબો સમય બેસી રહેવાથી કે ખોટી રીતે બેસી રહેવાથી કોઈ પણ જુનો દુખાવો ફરી ઉભો થઈ શકે છે. ઉપરાંત, ઘણા લોકો અંધારામાં અથવા ઓછા પ્રકાશમાં લેપટોપમાં કામ કરવાનું પસંદ કરે છે. તેનાથી કામદારની આંખો પર ખરાબ અસર પડશે. આંખો પર ખરાબ અસરથી બચવા માટે એ ખૂબ જ જરૂરી છે કે લેપટોપની સ્કિનને 20 મિનિટ સુધી સતત જોયા પછી તમારી આંખો સ્ક્રીન પરથી હટાવીને ઓછામાં ઓછી 20 સેકન્ડ માટે 20 ફૂટના અંતરે જુઓ.
આ પણ વાંચોઃ US Tour of PM Modi: ભારત માટે ગેમ ચેન્જર સાબિત થશે! – India News Gujarat
આ પણ વાંચોઃ PM Modi proposal: શું આફ્રિકન યુનિયન G-20 માં જોડાશે? – India News Gujarat
SHARE
