Cyclone Biparjoy: ચક્રવાત બિપરજોય ગુજરાતની નજીક પહોંચી ગયું છે. જેની અસર જોવા મળી રહી છે. કચ્છના માંડવીમાં ભારે વરસાદ પડી રહ્યો છે અને દ્વારકામાં ભારે પવન ફૂંકાઈ રહ્યો છે. આવી સ્થિતિમાં, ચક્રવાત બિપરજોયની અસરથી દ્વારકામાં ટાટા કેમિકલ્સ પાસે રોડ પર એક શેડ ધરાશાયી થયો હતો. NDRFની ટીમ ઘટનાસ્થળે હાજર છે.
વૈજ્ઞાનિક મનોરમા મોહંતીનું કહેવું છે કે ચક્રવાત બિપરજોય હાલમાં જખૌ બંદરથી 110 કિમી પ્રતિ કલાકની ઝડપે ચાલી રહ્યું છે. તે ઉત્તરપૂર્વ તરફ આગળ વધીને કચ્છ, સૌરાષ્ટ્રને પાર કરવાની છે. તેની સ્પીડ 115-125 kmph હશે. લેન્ડફોલ સાંજથી મધરાત સુધી ચાલુ રહેશે.
ઇન્સ્પેક્ટર જનરલ, કમાન્ડર કોસ્ટ ગાર્ડ પ્રદેશ-ઉત્તર પશ્ચિમ એ.કે. હરબોલા કહે છે કે અમે ગુજરાતમાં 15 જહાજો તૈયાર રાખ્યા છે. 7 એરક્રાફ્ટ પણ તૈયાર છે. લેન્ડફોલની સંભાવનાને કારણે, 27 ડિઝાસ્ટર મેનેજમેન્ટ ટીમો પણ બનાવવામાં આવી છે. અમે રાજ્ય સરકારના સતત સંપર્કમાં છીએ.
આ પણ વાંચોઃ Biporjoy Update: સૌરાષ્ટ્ર-કચ્છમાં ભારે વરસાદનું એલર્ટ
આ પણ વાંચોઃ Devbhoomi Dwarka Update: ‘બિપરજોય’ના કારણે દ્વારકાધીશ મંદિર બંધ
SHARE
