ઉમેશ પાલ અપહરણ કેસમાં દોષિત
પ્રયાગરાજના સાંસદ-ધારાસભ્ય કોર્ટે માફિયામાંથી રાજકારણી બનેલા અતીક અહેમદ, દિનેશ પાસી અને ખાન સુલત હનીફને ઉમેશ પાલ અપહરણ કેસમાં દોષિત ઠેરવ્યા છે. અતીક સહિત ત્રણને આજીવન કેદની સજા ફટકારવામાં આવી હતી. આ કેસમાં અતીકના ભાઈ અશરફ સહિત 7 લોકોને મુક્ત કરવામાં આવ્યા હતા.
ચુકાદા બાદ અતીક અહેમદ અને તેનો ભાઈ અશરફ કોર્ટરૂમમાં એકબીજાને ગળે મળીને રડવા લાગ્યા હતા. કોર્ટે ત્રણેય આરોપીઓને એક-એક લાખનો દંડ પણ ફટકાર્યો છે. 17 વર્ષ બાદ આ મામલે નિર્ણય આવ્યો છે. અતીક સામે અત્યાર સુધીમાં 100 થી વધુ કેસ નોંધાયા છે, પરંતુ પહેલીવાર તેને કોઈ કેસમાં સજા થઈ છે.
શું છે મામલો?
25 જાન્યુઆરી, 2005 ના રોજ, ઉત્તર પ્રદેશના પ્રયાગરાજ જિલ્લાના સુલેમાસરાયમાં તત્કાલિન ધારાસભ્ય રાજુ પાલની હત્યા કરવામાં આવી હતી, ઉમેશ પાલ મુખ્ય સાક્ષીઓમાંનો એક હતો. અતીકે ઉમેશને તેના માણસો સાથે ઘણી વખત ધમકી આપી હતી કે તેઓ રાજુ પાલ કેસની જુબાનીમાંથી ખસી જાય, નહીંતર તેને મારી નાખવામાં આવશે. 28 ફેબ્રુઆરી, 2006ના રોજ અતીકે રાજુ પાલનું અપહરણ કર્યું અને તેની તરફેણમાં લખેલું એફિડેવિટ મેળવ્યું. કરબલામાં ઓફિસમાં લઈ જઈ અતીકે તેને રાતોરાત માર માર્યો હતો.
10 વિરુદ્ધ FIR દાખલ કરવામાં આવી હતી
2007માં અતીક અને તેના ભાઈ અશરફ સહિત 10 વિરુદ્ધ FIR દાખલ કરવામાં આવી હતી. સુનાવણી પૂરી થયા બાદ 28 માર્ચે આ કેસમાં સજાની જાહેરાત કરવામાં આવી હતી. 24 ફેબ્રુઆરી 2023ના રોજ ઉમેશ આ જ કેસમાં હાજર થયા બાદ ઘરે પરત ફરી રહ્યો હતો ત્યારે તેની હત્યા કરવામાં આવી હતી.
આ પણ વાંચો : Amla Treasure: આમળા શરીરના દરેક અંગ માટે રામબાણ- INDIA NEWS GUJARAT.
SHARE
