Anil Kapoor: હોલિવૂડ ફ્રેન્ચાઈઝીની સૌથી મોટી ફિલ્મને અનિલ કપૂરે કરી ‘રિજેક્ટ’-India News Gujarat
Anil Kapoor: બોલિવૂડ એક્ટર અનિલ કપૂર (Anil Kapoor) હાલમાં પોતાની ફિલ્મ ‘જુગ જુગ જિયો’ના (Jug Jugg Jeeyo) પ્રોમોશનમાં બિઝી છે. અનિલ કપૂર આ ફિલ્મનું જોરદાર પ્રમોશન કરી રહ્યા છે. અભિનેતા પોતાના કામમાં એક્સપરિમેન્ટ કરતો રહે છે. અનિલ કપૂરની ફિલ્મ ‘જુગ જુગ જિયો’ આ અઠવાડિયે થિયેટરોમાં રિલીઝ થવા માટે તૈયાર છે. પરંતુ હાલમાં જ અનિલ કપૂરે એક ચોંકાવનારો ખુલાસો કર્યો છે. જેણે સૌને હેરાન દીધા છે. અનિલ કપૂરે કહ્યું કે તેણે ગ્લોબલ ફ્રેન્ચાઈઝી ફિલ્મને ના પાડી હતી. અનિલ કપૂરે એક ઈન્ટરવ્યુ દરમિયાન આ વાતનો ખુલાસો કર્યો છે.
અનિલ કપૂરને મોટી ફ્રેન્ચાઈઝી તરફથી ફિલ્મ માટે આવી હતી ઓફર
- ફિલ્મ કમ્પેનિયનને આપેલા એક ઈન્ટરવ્યુમાં એક્ટર અનિલ કપૂરે જણાવ્યું હતું કે દુનિયાની સૌથી મોટી ફ્રેન્ચાઈઝીએ તેમને ફિલ્મની ઓફર કરી હતી. પરંતુ અનિલ કપૂરે તેનું નામ આપવાની ના પાડી હતી. તેમણે કહ્યું કે આ કામ માત્ર બે દિવસનું હતું.
- પોતાની વાત ચાલુ રાખતા અનિલ કપૂર કહે છે કે મેં સીન્સ પણ વાંચ્યા છે. એક હું સમજી શક્યો નહીં કે આ સીનમાં શું છે અને તે ફ્રેન્ચાઇઝીના ડાયરેક્ટરે મને કોલ કર્યો અને કહ્યું કે હું ઈચ્છું છું કે તમે આ કરો. મારા બધા મિત્રોએ મને કહ્યું કે જો તું આ ફિલ્મ કરે તો બહુ સારુ છે.
આ કારણોસર આ ફિલ્મ કરવાની ના પાડી
- અનિલ કપૂરે આ મોટી ફિલ્મને ના પાડવાનું કારણ જણાવ્યું છે. તેણે કહ્યું કે મેં મારા મિત્રને કહ્યું કે હું આ ફિલ્મ કરવાનો નથી. એક, હું સીન સમજી શક્યો નહીં અને જો તે દિવસે મેં કંઈક ખોટું કર્યું તો હું બધાની સામે એક્સપોઝ થઈ જઈશ.
- અનિલ કપૂરે ડેની બોયલની એકેડમી એવોર્ડ વિજેતા ફિલ્મ ‘સ્લમડોગ મિલિયોનેર’માં તેની એક્ટિંગ માટે ગ્લોબલી પ્રશંસા મેળવી હતી. આ સિવાય તેણે હોલીવુડની મોટી ફિલ્મ ‘મિશન ઈમ્પોસિબલ – ઘોસ્ટ પ્રોટોકોલ’ અને ટીવી સીરિઝ ’24’માં પણ કામ કર્યું છે.
અનિલ કપૂર ફિલ્મ ‘જુગ જુગ જિયો’માં જોવા મળશે
- એક્ટર અનિલ કપૂર ફિલ્મ ‘જુગ જુગ જિયો’માં જોવા મળશે. ફિલ્મ વિશે વાત કરીએ તો તેમાં વરુણ ધવન, કિયારા અડવાણી, નીતુ કપૂર, મનીષ પોલ અને પ્રજક્તા કોલી પણ લીડ રોલમાં જોવા મળશે. આ ફિલ્મને ડાયરેક્ટ રાજ મહેતાએ કરી છે.
- આ ફિલ્મ 24 જૂને થિયેટરોમાં રિલીઝ થશે. હાલમાં ફેન્સ આ ફિલ્મની આતુરતાથી રાહ જોઈ રહ્યા છે. ફિલ્મના ટ્રેલરને દર્શકોની ખૂબ પ્રશંસા મળી છે.
SHARE
