Presidential Election: મમતા બેનર્જી કરશે મુખ્યમંત્રીઓ અને વિપક્ષના નેતાઓ સાથે મહત્વની બેઠક, આ 22 નેતાઓને લખ્યો પત્ર

પશ્ચિમ બંગાળના મુખ્યમંત્રી મમતા બેનર્જીએ રાષ્ટ્રપતિની ચૂંટણી નજીક આવતાની સાથે જ રણનીતિ બનાવવાનું શરૂ કરી દીધું છે. આને ધ્યાનમાં રાખીને બંગાળના મુખ્યમંત્રી 15 જૂને દિલ્હીના કોન્સ્ટિટ્યુશન ક્લબમાં મુખ્યમંત્રી અને વિપક્ષના નેતાઓ સાથેની સંયુક્ત બેઠકમાં ભાગ લેશે. આ માટે મમતાએ 22 નેતાઓને પત્ર પણ લખ્યો છે.

22 નેતાઓને લખ્યો પત્ર

જેમાં દિલ્હીના મુખ્યમંત્રી અરવિંદ કેજરીવાલ, કેરળના સીએમ પિનરાઈ વિજયન, ઓડિશાના સીએમ નવીન પટનાયક, તેલંગાણાના સીએમ કે ચંદ્રશેખર, તમિલનાડુના સીએમ એમકે સ્ટાલિન, મહારાષ્ટ્રના સીએમ ઉદ્ધવ ઠાકરે, ઝારખંડના સીએમ હેમંત સોરેન અને પંજાબના સીએમ ભગવંત માનનો સમાવેશ થાય છે. મમતા બેનર્જીએ કોંગ્રેસના વચગાળાના અધ્યક્ષ સોનિયા ગાંધીને પણ પત્ર લખ્યો છે.

મુખ્યમંત્રીઓ અને વિરોધ પક્ષોના નેતાઓનો કર્યો સંપર્ક

મમતા બેનર્જીની પાર્ટી તૃણમૂલ કોંગ્રેસ (TMC) એ એક નિવેદનમાં કહ્યું કે આગામી રાષ્ટ્રપતિની ચૂંટણીને ધ્યાનમાં રાખીને પશ્ચિમ બંગાળના મુખ્યમંત્રીએ વિરોધ પક્ષોના મુખ્યમંત્રીઓને વિનંતી કરી છે અને નેતાઓનો સંપર્ક કરવામાં આવ્યો છે. તેમણે તમામ પ્રગતિશીલ વિપક્ષી દળોને 15મી જૂનના રોજ બપોરે 3 વાગ્યે કોન્સ્ટિટ્યુશન ક્લબ, નવી દિલ્હી ખાતે બેઠક યોજવા અને રાષ્ટ્રપતિની ચૂંટણીને ધ્યાનમાં રાખીને ભવિષ્યની કાર્યવાહી અંગે ચર્ચા કરવા આહ્વાન કર્યું છે.

 18 જુલાઈના રોજ થશે રાષ્ટ્રપતિની ચૂંટણી માટે મતદાન 

આ પહેલા ગુરુવારે ચૂંટણી પંચે જાહેરાત કરી હતી કે રાષ્ટ્રપતિની ચૂંટણી માટે મતદાન 18 જુલાઈના રોજ થશે. 4,809 સાંસદો અને ધારાસભ્યો ધરાવતી ઈલેક્ટોરલ કોલેજ રામનાથ કોવિંદના અનુગામીની પસંદગી કરશે.

ધનખરે હિંસા પર વ્યક્ત કરી ચિંતા 

અગાઉ, પશ્ચિમ બંગાળના રાજ્યપાલ જગદીપ ધનખરે પયગંબર મોહમ્મદ વિરુદ્ધ ભાજપના સસ્પેન્ડ કરાયેલા બે કાર્યકર્તાઓની વિવાદાસ્પદ ટિપ્પણીને લઈને હાવડા જિલ્લાના કેટલાક ભાગોમાં શનિવારના વિરોધ બાદ બગડતી કાયદો અને વ્યવસ્થાની સ્થિતિ અંગે ચિંતા વ્યક્ત કરી હતી. તેમણે મુખ્ય પ્રધાન મમતા બેનર્જીને આ સમસ્યાનો કડકાઈથી સામનો કરવા અને કાયદો તોડનારાઓ સામે પગલાં લેવા જણાવ્યું હતું.

આ પણ વાંચી શકો: પેરાશૂટ વિના 33 હજાર ફૂટની ઊંચાઈએથી પડીને પણ બચી ગઈ એર હોસ્ટેસ, ગિનિસ બુકમાં નોંધાયું નામ

આ પણ વાંચી શકો: Putin’s Protective Shield : જાણો પુતિનની સુરક્ષા કવચની સંભાળ કોણ રાખે છે

SHARE