નવી દિલ્હીમાં ભારત અને પાકિસ્તાન વચ્ચે સ્થાયી સિંધુ કમિશનની 118મી બે દિવસીય બેઠક તેના અંતિમ તબક્કામાં પહોંચી ગઈ છે. સમાચાર એજન્સી એએનઆઈના અહેવાલ મુજબ, બંને બાજુથી સકારાત્મક સંકેતો જોવા મળ્યા છે. આયોગની છેલ્લી બેઠક ઈસ્લામાબાદમાં યોજાઈ હતી. અહીં બંને દેશોએ સિંધુ જળ સંધિને સાચા અર્થમાં લાગુ કરવાની તેમની પ્રતિબદ્ધતાનો પુનરોચ્ચાર કર્યો હતો.

સિંધુ જળ સંધિ એ ભારત અને પાકિસ્તાન વચ્ચે નદીના પાણીના વિતરણ માટેની સંધિ છે. આ સંધિ વિશ્વ બેંક દ્વારા મધ્યસ્થી કરવામાં આવી હતી અને 19 સપ્ટેમ્બર 1960 ના રોજ ભારતના તત્કાલીન વડા પ્રધાન જવાહરલાલ નેહરુ અને પાકિસ્તાનના તત્કાલીન રાષ્ટ્રપતિ અયુબ ખાને હસ્તાક્ષર કર્યા હતા.

આ સંધિ અનુસાર, ત્રણ પૂર્વી નદીઓ બિયાસ, રાવી અને સતલજનું નિયંત્રણ ભારતને આપવામાં આવ્યું હતું અને ત્રણ પશ્ચિમી નદીઓ સિંધુ, ચિનાબ અને જેલમનું નિયંત્રણ પાકિસ્તાનને આપવામાં આવ્યું હતું.

આ પણ વાંચી શકો: પેરાશૂટ વિના 33 હજાર ફૂટની ઊંચાઈએથી પડીને પણ બચી ગઈ એર હોસ્ટેસ, ગિનિસ બુકમાં નોંધાયું નામ

આ પણ વાંચી શકો: Putin’s Protective Shield : જાણો પુતિનની સુરક્ષા કવચની સંભાળ કોણ રાખે છે